web counter
LEXO PA REKLAMA!

SHKARKO APP

App Store
Google Play

E fundit!

x

Seanca për mandatin e Xhaçkës/ Bardhi: "Kushtetuesja" të ngrihet në lartësinë e detyrës

25 Qershor 2024, 14:38, Politikë CNA
Seanca për mandatin e Xhaçkës/ Bardhi: "Kushtetuesja"
Kreu i Grupit Parlamentar të Partisë Demokratike, Gazment Bardhi. Burimi, LSA

Këtë të martë, në Gjykatën Kushtetuese është mbajtur seanca për mandatin e deputetes dhe ish-ministres socialiste, Olta Xhaçka.

I pranishëm në seancë ka qenë edhe kreu i grupit parlamentar të Partisë Demokratike, Gazment Bardhi, i cili parashtroi përpara togave të zeza argumentet e opozitës.

Në një dalje për mediat, Bardhi tha se Kushtetuesja duhet të ngrihet në lartësinë e detyrës dhe të tregojë se nuk varet nga kryeministri Rama.

“Besoj që anëtarët e Gjykatës Kushtetuese do të ngrihen në lartësinë e detyrës së tyre dhe do të mbrojnë dinjitetin e tyre personal si anëtarë të kësaj gjykate dhe dinjitetin e këtij institucioni. Ne nuk kemi hyrë në prova, pasi t’u hymë provave duhet që Edi Rama të lejojë që të zbatohen vendimet e Gjykatës Kushtetuese. Sa i takon avokatit apo zonjës Xhaçka, kemi dëgjuar atë që thotë se po investonte si investitor strategjik në një pronë private”, deklaroi ai.

Mandati i Olta Xhaçkës prej kohësh po shkakton debat mes palësh, ndërsa diskutimi kalon sa nga Kuvendi, në Gjykatën Kushtetuese./ CNA





Lajmet e fundit nga