web counter
LEXO PA REKLAMA!

SHKARKO APP

App Store
Google Play

Skandali tek Onkologjiku/ Mjekët që punojnë në privat nuk do të mbajnë asnjë funksion në shtet

1 Korrik 2024, 09:49, Politikë CNA

Në një takim me drejtuesit e QSUT-së, ministrja e Shëndetësisë, Albana Koçiu, u shpreh se do të ndalohen të gjithë mjekët që të njëjtin pacient ta kurojnë në klinkat private që kanë hapur. 

Ajo theksoi se mjekët që punojnë në klinikat private nuk do të mbajnë asnjë funksion në spitalet publike apo në Universitetin shtetëror të Mjekësisë. 

Sipas ministres, të gjitha këto ndryshime ligjore janë në diskutim dhe pritet të miratohen në javën e tretë të korrikut.

"Mjekët që duan të punojnë në privat do të duhet të marrin leje. Do të ndalohet që mjekët të ndjekin të njëjtin pacient në klinkat private që kanë hapur. Kjo është një reformë thelbësore e autonomisë spitalore. QSUT dhe 12 spitale të tjera do të marrin autonominë spitalore. Mjekët që punojnë në klinikat private nuk do të mbajnë asnjë funksion në spitalet publike apo në universitetin shtetëror. Ndryshimet e menjëhershme kërkojnë edhe ndryshime të masave. Të gjitha këto ndryshime ligjore janë në diskutim dhe pritet të miratohen në javën e tretë të korrikut. Ngjarja e rëndë tek Onkologjiku, do të na bëjë ne të punojmë më tej për shëndetin e shqiptarëve", u shpreh ministrja./CNA





Lajmet e fundit nga