web counter
LEXO PA REKLAMA!

SHKARKO APP

App Store
Google Play

E fundit!

x

Mesazh për rastin "Veliaj"?/ Rama: Nxirret vendimi nga gjykata për ta pezulluar nga çdo funksion publik, mbi bazën e një hipoteze

11 Shtator 2025, 11:15, Politikë CNA

Mesazh për rastin "Veliaj"?/ Rama: Nxirret vendimi nga gjykata

Në vijim të fjalimit të tij, në asamblenë e socialistëve, Rama tha se institucionet e drejtësisë janë garancia e vetme e një sistemi të barabartë.

Kryeministri ka dhënë sërish mesazhe për rastin “Veliaj”, ku tha se është pezulluar nga çdo funksion publik mbi bazën e një hipoteze, se kishte diçka të dënueshme në mendje.

Më tej Rama tha se me kismet gjykata dhe prokurori rekreativ do të gjejnë se çfarë gjëje të dënueshme kishte në mendje. Këto, u shpreh kryeministri, janë shenjat e një sëmundjeje të trashëguar të drejtësisë së re.

“Institucionet e drejtësisë, garancia e vetme e një sistemi të barabartë. Ky është durimi strategjik që duhet të kalisë kushdo. Kjo parti, i vetmi garant i pavarësisë së atyre institucioneve. Për fat koha që u duhet institucioneve që të rriten përfshin detyrimisht dhe kurimin me kosto shumë të larta njerëzore të atyre sëmundjeve të trashëguara. Këto kosto janë në lëkurën tonë dhe ky është guri më i madh mbi kurrizin tim. Është shumë e vështirë ta ruash durimin dhe kur njerëz të zakonshëm të thirrur si persona në dijeni të vijnë në derë të llahtarisur nga ca presione, që mua më kujtojnë hetuesit injorantë të Maks Velos.

Apo kur dikujt i nxirret vendimi nga gjykata për ta pezulluar nga çdo funksion publik mbi bazën e një hipoteze se ky njeri paska pasur në mend diçka të dënueshme, pastaj me kismet gjykata me prokurorin rekreativ ta gjejnë çfarë kishte në mendje. Këto janë shenjat e sëmundjeve të trashëguara në trupin prej fëmije të drejtësisë së re”, tha Rama.





Lajmet e fundit nga