web counter
LEXO PA REKLAMA!

SHKARKO APP

App Store
Google Play

E fundit!

x

Rama sulmon sërish: Prokurorë dhe gjykatës dritëshkurtër, me mungesë ulëritëse integriteti

11 Shtator 2025, 11:07, Politikë CNA

Rama sulmon sërish: Prokurorë dhe gjykatës

Kryeministri Rama, në fjalën e tij të mbajtur në Asamblenë e Partisë Socialiste, u ndal edhe te drejtësia, për të cilën tha se është prova më e egër e zjarrit për socialistët në shërbim të gjeneratës tjetër.

Më tej, Rama deklaroi se PS i ka hapur një shteg të ri drejtësisë dhe mbështet pa kushte dhe pa luhatje gjyqtarët dhe prokurorët.

Kryeministri u shpreh se drejtësia ka dhe prokurorë apo gjykatës që ndonjëherë kanë mungesë integriteti ulëritëse, duke u ndalur te rastet e gjyqtarëve dhe prokurorëve të përfshirë në ndërtime pa leje në vend. Këto raste të cilat kryeministri i quajti emblematike.

“Nga rënia e atyre mes nesh në mëkatin e përfitimit të paligjshëm, ne do të durojmë. Do të durojmë dhe kur dhimbjet vijnë nga helmi i atyre që na akuzojnë se e kemi kapur drejtësinë. Kjo e drejtësisë është prova më e egër e zjarrit e PS-së në shërbim të gjeneratës tjetër. Forca jonë i ka hapur një shteg të ri drejtësisë. PS thotë atë që bën dhe bën atë që thotë në mbështetjen pa kushte dhe pa luhatje në mbrojtje të gjyqtarëve dhe prokurorëve. Nuk jemi lëkundur, nuk do të lëkundemi as sot përtej faktit se pushteti i ri i drejtësisë shfaq shenja sëmundjesh, që dëmtojnë organizmin e vendit. Drejtësia mban ende prokurorë dhe gjykatës dritëshkurtër dhe mendjengushtë, ndonjëherë me mungesë ulëritëse integriteti.

Disa prokurorë dhe gjykatës i kanë rënë ndesh, duke mbajtur anën e zaptuesve të hapësirës publike, është emblematike”, tha Rama.





Lajmet e fundit nga