web counter
LEXO PA REKLAMA!

SHKARKO APP

App Store
Google Play

E fundit!

x

Tritan Shehu: Vota e lirë nuk kthehet me 4-5 vetë, regjimi përballohet me lëvizje popullore

10 Shtator 2025, 19:04, Politikë CNA

Tritan Shehu: Vota e lirë nuk kthehet me 4-5 vetë, regjimi

Deputeti i PD-së Tritan Shehu është shprehur se brenda PD-së nuk do të ketyë gjueti shtrigash.

I ftuar në MCN, ai theksoi se kundërshtari i vërtetë i PD-së është qeveria.

“Nëse mendoni se në PD do të ketë ‘gjueti shtrigash’, nuk ka për të pasur.

Kundërshtari përpara është ky regjim, i cili deformoi votën dhe po instalon një diktaturë. Të gjithë duhet të përballemi me këtë regjim.

Sigurisht që brenda partisë ka probleme që duhet adresuar, ka nevojë për përmirësime në struktura, në organizim, në strategji, këto do të diskutohen dhe do të analizohen”, tha Shehu.

Deputeti theksoi se detyra e opozitës është kthimi i votës së lirë por kjo nuk arrihet me 4-5 persona, por regjimi duhet të përballet me lëvizje popullore.

“Detyra jonë kryesore është rikthimi i votës së lirë. Kjo nuk arrihet nga 4-5 vetë në Kryesi apo në Këshillin Kombëtar. Regjimet përballohen vetëm përmes lëvizjeve popullore.

Kjo lëvizje duhet të përfshijë qytetarët e zakonshëm dhe të ndërtohet përmes një fronti të gjerë opozitar.

Kërkohet një front i madh ku në qendër të jetë masa e gjerë e njerëzve.

Duhet të sensibilizojmë të gjithë, deri te qytetari më i thjeshtë. Vetëm kështu hapet rruga për zgjedhje të lira dhe të ndershme.

Partia Demokratike nuk do të merret me përçarje të brendshme, por synon të dalë nga kjo fazë me forcim të strukturave dhe mobilizim qytetar për të përballuar atë që ai e quajti një “regjim që kontrollon zgjedhjet”, tha Shehu./ CNA





Lajmet e fundit nga