web counter
LEXO PA REKLAMA!

SHKARKO APP

App Store
Google Play

E fundit!

x

“Probleme me zjarret dhe ndërtimet”/ Korreshi: Rama nuk di se ku është, favorizon oligarkët

10 Shtator 2025, 13:15, Politikë CNA

“Probleme me zjarret dhe ndërtimet”/ Korreshi: Rama nuk di se

Deputeti i Partisë Demokratike për Lushnjën, Saimir Korreshi, tha sot se situata me zjarret dhe ndërtimet në vend, janë dy nga problematikat më shqetësuse për qytetarët.

Në një intervistë në "Syri TV", Korreshi akuzoi kryeministrin Edi Rama se nuk nuk ia ka idenë e gjendjes, në një kohë kur mendon vetëm të favorizojë oligarkët.

“Sivjet ka filluar ndërtimi, po ka ca vjet që ka filluar pjesa e paneleve diellore apo resorteve. Do të kujtoni zjarrin që ra në Fier afër plazhit të Semanit para ca vitesh, askush nuk e përmendi. Çuditërisht aty kishte projekte për resorte madhore, çuditërisht pa u fikur akoma zjarri. Apo për tokat bujqësore që u ndryshon ditën për diell, çuditërisht zëri kadastral nga produktiv në inproduktiv. Sepse ligji për panelet diellore në atë kohë parashikonte që tokat të cilat duhet të jepen për ndërtimin e këtyre fotovoltaikeve, duhet të jenë në prona inproduktive. Pra, toka që nuk prodhojnë, siç mund të jenë, këneta. Moçale apo toka të tjera të kripura që nuk japin prodhim bujqësor.

Unë kam një rast në dorë, me mijëra hektarë tokë. Jam në fund të mbledhjes së informacioneve e pastaj do ta bëj publike për një nga oligarkët më të mëdhenj që çuditërisht ka blerë një tokë në Fier dhe që çuditërisht kjo toka ka kaluar nga arë te kjo pjesa inproduktive.

Kalojmë te zjarret. Unë mendoj dhe siç besova dhe që e shkrova për zjarrin që kishte rënë në Fier në zonën e Semanit që do të bëheshin këto resortet apo parqet fotovoltaike. Absolutisht që e besoj dhe e them me plot gojën që kryeministri, i cili nuk e di se ku është, paska pasur kohën me 25 gusht, ndërkohë që Shqipëria digjej dhe i bie pastaj që ky ka qene ai që krihet. Çuditërisht në veshin e këtyre oligarkëve, sepse nuk ka mundësi tjetër.

Na premtuam edhe gjatë fushatës ato avionët, që ato avionë nuk erdhën kurrë. Pamë xhirot me helikopterë që vinin vërdallë kot sa për t'u thënë njerëzve që ja ne po punojmë, por nuk e ulën kurrë kovën për të marrë ujë, etj… Kështu që nuk është pak ajo që the që me vendim të Këshillit të ministrave po bëhen çudira dhe me vendim të KM tashmë kalon çdo gjë. Ndryshuan edhe hartat e gjyqësorit. Kështu që te kjo punë sa të bësh një gjyq për këtë punë, kundër një vendimi do 15 vjet ta mbarosh. Këta e kanë çuar në kolaps të gjithë sistemin e drejtësisë. Sepse ju e patë që një miniprotestë që kam bërë unë me disa qytetarë të Lushnjës ka qenë sepse këta ia vunë me të prerë pemët. Unë nuk e di, por këta e kanë luftën me çdo gjë që qetëson qytetarët në këtë lloj makutërie e maskarallëku që e ka mbytur këtë shtet”,-tha Korreshi./CNA





Lajmet e fundit nga