web counter
LEXO PA REKLAMA!

SHKARKO APP

App Store
Google Play

Opozita deklaron se nuk njeh 11 majin/ Celibashi: Problem, të bën të mendosh që këto zgjedhje nuk kanë shkuar aq mirë

9 Shtator 2025, 11:55, Politikë CNA

Opozita deklaron se nuk njeh 11 majin/ Celibashi: Problem, të bën

Komisioneri Shtetëror i Zgjedhjeve, Ilirjan Celibashi, në një konferencë me gazetarët në lidhje me procesin e votimit të 11 majit, ka thënë se për disa ditë pritet të dalë raporti përfundimtar i OSBE-ODIHR.

Celibashi u shpreh se do të pranojë çfarëdo note që misioni do të vendosë për procesin zgjedhor të 11 majit. Më tej, Celibashi u ndal edhe te deklarata e opozitës që nuk njeh zgjedhjet, gjë për të cilën tha se është një problem. Këto deklarata të opozitës, u shpreh Celibashi, të bëjnë të mendosh që procesi zgjedhor nuk ka shkuar dhe aq mirë.

 

“Për punë ditësh del raporti përfundimtar i OSBE/ODIHR. Do të pranoj çfarëdo note që do të vendosin ata. Opozita ka thënë që nuk i njeh, ky është një problem pasi të bën të mendosh që këto zgjedhje nuk kanë shkuar aq mirë. Këto zgjedhje janë zgjedhje të cilat i bën një vend kandidat për në BE”, u shpreh Celibashi.

 

Në konferencën e mbajtur, kreu i KQZ-së u pyet nëse kanë nisur diskutimet me presidentin, për zgjedhje të parakoshmne në bashkitë ku aktualisht nuk ka kryetar.

Celibashi deklaroi se deri në këto momente nuk ka bisedime për këtë çështje.

 

“Deri në momentin që flasim nuk kemi komunikim për këtë çështje”, u shpreh kryekomisioneri./ CNA





Lajmet e fundit nga