web counter
LEXO PA REKLAMA!

SHKARKO APP

App Store
Google Play

79-vjetori i kryengritjes së Postribës/ Boçi: Duhet të vendosim drejtësinë për këta burra dhe gra

9 Shtator 2025, 10:44, Politikë CNA

79-vjetori i kryengritjes së Postribës/ Boçi: Duhet të

Nënkryetari i Partisë Demokratike dhe drejtues politik i Qarkut Shkodër, Luçiano Boçi, ka qenë i prnaishëm ditën e sotme në Postribë në ceremoninë përkujtimore të kryengritjes së Postribës.

Në fjalën e mbajtur, Boçi tha se sot nuk mjafton vetëm falënderimi, është shumë pak për të persekutuarit. Nënkryetari i PD-së deklaroi se duhet të vazhdohet të luftohet ashtu siç bënë pjesëmarrësit e kryengritjes së Postribës.

Boçi deklaroi se nuk mjafton vetëm vendosja e kurorave për të rënët, por duhet vendosur drejtësia për këta burra.

“Historia ka heronjtë e saj dhe duhet ta dimë mirë se vetë Postriba, që u bë vendi i shenjtë i qëndresës, thërret burrat e saj mbi dhe e nën dhe, e pyet çfarë do të bëjmë ne sot. Sot nuk mjafton vetëm të falënderojmë, është fare pak për të persekutuarit. Duhet të vazhdojmë të luftojmë siç bënë ata burra me qëndresën e tyre. Është fare pak të vendosim kurora, ne duhet të vendosim drejtësinë për këta burra dhe gra. Nuk mjafton vetëm të flasim për lirinë, duhet të veprojmë si njerëz të lirë, të angazhuar për veprat tona të përbashkëta. Qëllimi dhe ëndrrat e tyre këtu rrinë ngushtë. Ata na thërrasin në jehonën e tyre. Lavdi heronjve të Postribës”, tha Boçi.

 

Ditën e sotme shënohet 79-vjetori i Kryengritjes Antikomuniste të Postribës dhe ajo vazhdon të përkujtohet si një nga ngjarjet e rëndësishme të qëndresës antikomuniste të shqiptarëve.

Më 9 shtator të vitit 1946 banorët e Postribës dhe rrethinave, të pakënaqur me vendosjen e regjimit komunist, sulmuan kazermat e ushtrisë dhe burgun e Shkodrës, me qëllim lirimin e të burgosurve politikë.

Revolta e tyre u shtyp me dhunë dhe 9 prej kryengritësve u dënuan me vdekje, 4 të tjerë me burgim të përjetshëm, ndërsa 6 kryengritës u dënuan me nga 15-20 vite burgim./CNA





Lajmet e fundit nga