web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Miliarda euro në duart e kriminelëve anonimë, me kryetar Ramën

10 Shtator 2025, 13:53, Politikë CNA

Berisha: Miliarda euro në duart e kriminelëve anonimë, me kryetar

Kryetari i Partisë Demokratike, Sali Berisha, në fjalën e tij të mbajtur në mbledhjen e Kryesisë, tha se të gjithë kriminelët kanë një “padrino” që është Edi Rama.

Berisha tha se forca lëvizëse në qeverisjen e Ramës është droga, e cila sipas kryedemokratit emëron ministra, drejtorë dhe deputetë.

 

Deklarata e Berishës

Pra, diktatura autoritare shqiptare, përveç kontrollit të vullnetit të qytetarëve shqiptarë në votim, kontrollit të hapësirës informative të qytetarëve, ka një forcë tjetër të padukshme, shkatërrimtare, të jashtëzakonshme.

Dhe kjo forcë janë 6 miliardë euro në dorën e një Çopja, Çopja apo Troplini, Troplini.

Miliarda euro në duart e kriminelëve anonimë apo të njohur, të gjitha kundër demokracisë, ligjit, shtetit ligjor në Shqipëri.

Të gjitha me një padrino, një kryetar, që është Edi Rama.

Imagjinoni ju një njeri që quhet Franc Çopja, nuk ia kishim dëgjuar emrin kurrë, dhe ky del tani pa djersitur një ditë në punë, përveçse me kartelet, 6 miliardë euro.

Ky, miq, është gati t'i falë Edi Ramës 5 miliardë, mjafton të investojë 1 miliard.

Kjo është!

Në qoftë se në diktaturën totalitare ideologjia marksiste-leniniste konsiderohej forca kryesore lëvizëse, në diktaturën autoritare të Edi Ramës, droga dhe vetëm droga është forca kryesore lëvizëse.

Është droga, ajo që emëron ministra.

Është droga, ajo që emëron drejtorët e policisë.

Është droga, ajo që emëron prokurorin, deputetin, ajo që vendos në të gjitha nivelet.

38 mijë metër katrorë tokë publike iu falën kartelit 'Troplini' me 5 kulla dhe 12 ndërtime në zonën 'Niko Dovana' në Durrës për punën që bëri.

Kudo që dëgjoni kulla është droga.

Janë qindra miliona të drogës prapa tyre.

Por, këtë situatë ne ia dolëm ta paraqesim, ta stamposim në disa dokumente ndërkombëtare dhe kjo është një arritje jo për ne, por për çdo shqiptar.

Sepse, nuk është e thjeshtë. Fuqia e drogës është misteri i kësaj diktature.

Forca korruptive e saj është e tmerrshme.

Por, ne u jemi shumë mirënjohës të gjithë atyre që votuan ato rezoluta të rëndësishme, në të cilat u paralajmërua farsa elektorale.

Cilido që e lexon edhe rezolutën e Valencias, të gjitha rezolutat paralajmëruan se në Shqipëri do të ketë një farsë elektorale.





Lajmet e fundit nga