web counter
LEXO PA REKLAMA!

SHKARKO APP

App Store
Google Play

E fundit!

x

“Me Xhaçkën, Pëllumbin, Kacidhen e Qaton”/ Gazetarja: Rama, i rrethuar vetëm nga njerëz nën hetim

21 Mars 2025, 12:16, Politikë CNA

“Me Xhaçkën, Pëllumbin, Kacidhen e Qaton”/

Gazetarja Klodiana Lala është shprehur sot se është për të qarë e për të qeshur që kryeministri Edi Rama ishte i rrethuar dje në mbremje në Njësinë 2 në kryeqytet vetëm me njerëz nën hetim nga SPAK-u.

Në një postim në rrjetet sociale, Lala i numëron Ramës përsonat e pranishëm që ishin dje afër tij dhe ndalet te disa figura të njohura, si Olta Xhaçka, Arben Pëllumbi, Elton Kacidhja dhe Sonila Qato.

Për personat e përmendur, Lala thotë se janë njerëz që vetë drejtpërdrejtë ose familjarët e tyre i kanë nën hetim nga SPAK-u, ose kanë hyrje-dalje në Strukturën e Posaçme Antikorrupsion.

Lala shton me ironi se nuk e di nëse Rama ka pranë ndonjë njeri që të mos ketë kaluar derën e SPAK-ut.

“Për të qarë e për të qeshur!

Kryeministri Rama dje në darkë të Njësia 2. Çfarë të shihnin sytë.

I rrethuar vetëm nga njerëz nën hetim nga SPAK.

Ja ti marr me radhë:

Olta Xhaçka, me burrin investitor strategjik nën hetim nga SPAK.

Arben Pëllumbi, kushëri i parë i Oltës dhe ky ka rrëmbyer tani një zonë në bregdet për investitor strategjik.

Elton Kacidhja, ish-drejtori i Veliajt dhe ky me hyrje dalje në SPAK për "punë të mirë" me shefin nga burgu te ujësjellësi.

Sonila Qato, krah Ramës, e hetuar nga SPAK e në gjykim nga drejtësia.

A ka ndonjë njeri normal Rama të 2 që nuk e ka kaluar derën e SPAK-ut, apo këta po morën mandat do shpëtojnë nga burgu si shefi?”,-shkruan Lala./CNA





Lajmet e fundit nga