web counter
LEXO PA REKLAMA!

SHKARKO APP

App Store
Google Play

E fundit!

x

Si ndryshoi zdromsi, nga luan në lepur

21 Mars 2025, 09:43, Politikë CNA
Si ndryshoi zdromsi, nga luan në lepur
Erion Veliaj

Kryebashkiaku i burgosur për dy vepra të rënda penale, Erion Veliaj, pas arrestimit të tij në 10 shkurt, nisi një sërë sulmesh ndaj prokurorëve dhe gjyqtarëve.

Veliaj bëri trimin duke intimiduar me sharje, fyerje, kërcënime prokurorin dhe gjyqtarin e çështjes së tij, si sulm për faktin se e çuan pas hekurave duke zbërthyer skemën e korrupsionit të tij dhe bashkëshortes Ajola Xoxa, për të cilën fillimisht u mor vendimi arrest shtëpie dhe më pas u caktua detyrim me paraqitje.

Për javë të tëra, Veliaj kreu një fushatë sulmesh ndaj prokurorit dhe gjyqtarit, ku duhet theksuar se për pak ditë u mbështet dhe nga kryeministri.

Veliaj, i vetëquajturi zdroms, përmes shantazhit dhe kërcënimeve nga burgu bënte trimin duke treguar shtëpinë e prokurorit, ngjyrën e makinës etj.

Por çfarë ndodhi?

Gjithçka ndryshoi pas 11 marsit, në seancën e Apelit të Posaçëm, ku prokurorët e SPAK-ut dorëzuan fakte dhe prova të reja kundër kryebashkiakut.

Përgjimet nga qelia në burgun e Durrësit treguan se si Veliaj urdhëronte sulme ndaj prokurorit dhe gjyqtarëve apo mediave përmes mediave krah tij.

CNA zbuloi se në ato përgjime përmenden dhjetëra emra, personazhe, si Mero Baze, Carlo Bollino, Lori Hoxha etj.

Sulmet dhe shantazhi ndaj drejtësisë janë qëllimi kryesor i veprimeve nga mediat.

Apeli i Posaçëm mori vendimin që pas këtyre provave të linte në burg Erion Veliajn. Pas vendimit, i vetëquajturi zdroms u bë një lepurush.

Në reagimin e tij pas 48 orësh nuk pati më fyerje dhe sharje, por një viktimizim, si ato që di të bëjë vetëm ai.

Rama u distancua nga sulmet ndaj prokurorit dhe Veliaj bëri sërish trimin.

Dy ditë më parë në të gjitha redaksitë qarkulloi një dokument, një shkresë me numër protokolli 11273, ku emëronte të besuarën e tij Sara Goxhaj në krye të bashkisë, duke hedhur poshtë emërimin nga Rama të Anuela Ristanit.

Kryeministri i vendit, pas aktit nga Veliaj, shkoi në bashki dhe urdhëroi grisjen e dokumentit si dhe shkarkimin e Sara Goxhajt, ushtares së Veliaj, duke lënë në fuqi sërish emërimin e tij në krye të bashkisë, Anuela Ristanin.

Pas shumë orësh zhurmë mediatike, pasi bëri trimin përballë Ramës, Veliaj u kthye sërish në lepur.

Pasi ndjeu frikën e shkarkimit nga Rama, pasi kryeministri e ka si kompetencë ligjore që ta shkarkojë, reagoi duke thënë se e gjitha ishte një keqkuptim, i cili tashmë ishte vënë në vend.

Tani të vetëquajturit zdroms nuk i ka mbetur gjë tjetër veçse të shijojë ditët në burg në pritje të vendimit të Gjykatës së Lartë./ CNA





Lajmet e fundit nga