web counter
LEXO PA REKLAMA!

SHKARKO APP

App Store
Google Play

E fundit!

x

“Mos hidhni votën në kënetë”/ Rama: Prindërit demokratë të mendojnë për të ardhmen europiane të fëmijëve

21 Mars 2025, 11:45, Politikë CNA

“Mos hidhni votën në kënetë”/ Rama:

Kryeministri Edi Rama ka bërë sot një thirrje për prindërit demokratë, që para se të votojnë në zgjedhjet e 11 majit, të mendojnë edhe për të ardhmen europiane të fëmijëve të tyre.

Në një postim në rrjetet sociale, Rama u thotë të mos e hedhin votën në kënetë, duke iu referuar opozitës.

Sipas Ramës, gjëja e duhur që ata mund të bëjnë, për veten dhe Shqipërinë, është të votojnë me sy mbyllur Partinë Socialiste.

Me një pikturë, në formën e dorës, të ngjyrosur në ngjyrën blu, Rama shprehet se e di që s’është ndonjë kënaqësi e madhe për një demokrat të votojë për PS-në, por kjo u jep fëmijëve të tyre pasaportën europiane të Shqipërisë 2030 në BE.

"NJË PRIND DEMOKRAT NË 11 MAJ MUND:

Ta hedhë votën në kënetë! Kot. Gjynah.

 Ta hedhë votën në ndonjë nga ato moçalet e reja plot me kushërinj të kënetës. Kot. Gjynah.

Të mos e hedhë askund. Gjynah edhe kjo, po gjysma e të keqes.

OSE pastaj mund të bëjë gjënë e duhur, për vete dhe Shqipërinë:

Të mbyllë sytë, e ta hedhë në kutinë 5, ku jam unë dhe PS

E di që s’është ndonjë kënaqësi e madhe për një demokrat. Por ama është një kontribut dhe përfitim i madh, sepse:

1) Nuk e çon votën kot po e jep për të fuqizuar Shqipërinë në negociatat me Bashkimin Europian.

2) U jep fëmijëve të vet pashaportën europiane të Shqipërisë 2030 në BE”,-shkruan kryeministri./CNA

 

“Mos hidhni votën në kënetë”/ Rama:

 





Lajmet e fundit nga