web counter
LEXO PA REKLAMA!

SHKARKO APP

App Store
Google Play

Lirimi i Bllakos/ Reagon Manjani: Si u bë "show" për të mbuluar të vërtetën mafioze të inceneratorëve

6 Tetor 2022, 18:32, Politikë CNA
Lirimi i Bllakos/ Reagon Manjani: Si u bë "show" për të
Ish-ministri Ylli Manjani

Ish-ministri Ylli Manjani ka reaguar për lirimin nga burgu të ish-deputetit Alqi Bllako, i cili dyshohet për abuzim me detyrën dhe korrupsion në aferën e inceneratorit të Fierit.

Me anë të një statusi në rrjetet sociale, Manjani thotë se arrestimi i Bllakos, Lefter Kokës dhe disa zyrtarëve të tjerë janë "show" për të mbuluar të vërtetën mafioze të inceneratorëve.

Me tone ironike, ai thotë se për barazi para ligjit, gjykata duhet të lirojë nga paraburgimi edhe Lefter Kokën.

“Nuk mund të paraburgosen njerëz me denoncime partish!

Nga sa kemi lexuar e dëgjuar për çështjen, Gjykata Kundër Korrupsionit dhe Krimit të Organizuar ka bërë mirë që ka liruar Alqi Bllakon.

Për të qenë të drejtë dhe për barazi para ligjit,kjo gjykatë duhet të lirojë nga paraburgimi edhe Lefter Kokën.

E theksoj nga paraburgimi dhe jo detyrimisht nga akuzat, aq më tepër që këto (akuzat pra) duken ende të pakopsitura me prova dhe me një llogjikë të fortë. SPAK nuk duket se ka hetuar më shumë se çka denoncuar LSI.

Skema e shkarkimit të parave të buxhetit në persona anonimë, pensionistë e azilantë duket si mashtrim me taksat që kanë bërë kompanitë përfituese dhe jo si korrupsion i Lefterit.

Njerëzit nuk mund të arrestohen e mbahen në arrest me kallëzime partish, por me prova bindëse dhe akuza të llogjikshme.

Ndaj masa e sigurisë me arrest në burg është dukshëm jo proporcionale, ligjërisht e pajustifikueshme dhe krejt e panevojshme.

Gjithmonë për barazi para ligjit e kam fjalën.

Sepse me zbulimin e skemës mafioze të inceneratorëve as është marrë njeri e as kanë ndërmend të merren...

Arrestimet e Lefterit, Alqit dhe disa zyrtarëve ishin dhe mbeten show për të mbuluar të vërtetën mafioze”, shkruan ish-ministri./ B.A. – CNA.al





Lajmet e fundit nga