web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj fshihet pas takimit me Presidentin/ Deklaratat i jep nga rrjetet sociale

6 Tetor 2022, 12:12, Politikë CNA

Alibeaj fshihet pas takimit me Presidentin/ Deklaratat i jep nga rrjetet sociale

Deputeti i PD-së, Enkelejd Alibeaj, ka zbardhur takimin që ka pasur me presidentin Bajram Begaj në kuadër të zgjedhjeve vendore 2023.

Me anë të një njoftimi në rrjete sociale, Alibeaj shkruan rreth qëndrimit që i ka shprehur Presidentit.

“Me ftesën e dërguar prej Presidencës, zhvillova një takim me Presidentin e Republikës.

Në respekt të institucionit dhe Kushtetutës bisedova me të për caktimin e datës së zgjedhjeve të ardhshme lokale.

I shpreha qëndrimin tonë se data e zgjedhjeve duhet të caktohet sa më herët brenda afateve që parashikon Kushtetuta dhe ligji.

Zgjedhjet janë e drejtë themelore e shqiptarëve, mundësia që ata kanë për të ndëshkuar pushtetin me votë.

Shqiptarët duan, madje kanë kërkesë ultimative që me votë të ndëshkojnë këtë pushtet sepse kanë një llogari të hapur me këtë regjim.

Ndaj është detyrim yni që ti bindemi nevojës së tyre, dhe t’ia krijojmë këtë mundësi kushtetuese shqiptarëve. Sa më shpejt!

Të rëndësishëm vlerësova gjatë takimit edhe faktin që Presidenti i Republikës të shprehet për caktimin e datës pasi të përfundojë afati i komisionit të reformës Administrative – Territoriale (data 21 tetor), në mënyrë që të mos bëhet pengesë për shqyrtimin e kësaj reforme që kërkohet nga gjithë shqiptarët”, ka shkruar Alibeaj./CNA.al

Alibeaj fshihet pas takimit me Presidentin/ Deklaratat i jep nga rrjetet sociale

 





Lajmet e fundit nga