web counter
LEXO PA REKLAMA!

SHKARKO APP

App Store
Google Play

E fundit!

x

Kush janë 3 kandidatët që synojnë të drejtojnë Kuvendin

27 Korrik 2024, 14:13, Politikë CNA
Kush janë 3 kandidatët që synojnë të drejtojnë
Kuvendi i Shqipërisë

Pozicioni i kryetarit të Kuvendit, tashmë është një vend vakant.

Në seancën e së premtes, kryetarja e Kuvendit, Lindita Nikolla njoftoi ka dhënë dorëheqjen nga detyra e rëndësishme për arsye shëndetësore. Sipas saj gjendja në të cilën ndodhet e bën të pamundur ta kryejë detyrën e lartë shtetërore.

Burime për CNA bëjnë me dije se kandidatët për zëvendësimin e Lindita Nikollës janë: ministrja e Shtetit për Marrëdhëniet me Kuvendin e Shqipërisë, Elisa Spiropali, kreu i Grupit Parlamentar të PS-së Bledi Çuçi, si dhe kreu i Komisionit të Posaçëm që do thërrasë në apel institucionet e drejtësisë, Fatmir Xhafaj. (lexo këtu)

Theksojmë se ky i fundit është vetëshpallur për këtë post vakant, një dëshirë e tij personale, pasi nuk ka marrë një propozim.

Kush janë 3 kandidatët që synojnë të drejtojnë Kuvendin? 

Elisa Spiropali 

Kush janë 3 kandidatët që synojnë të drejtojnë
Elisa Spiropali

Elisa Spiropali, ose siç e njohim të gjithë Elisa e inceneratorëve, e filloi karrierën e saj politike në vitin 2009. Pasi u bë anëtare e Partisë Socialiste, u emërua për një kohë të shkurtër Drejtore e Përgjithshme e Doganave dhe më pas zëdhënëse e Kryesisë së Partisë. Ajo u zgjodh deputete e Kuvendit të Shqipërisë pas zgjedhjeve të përgjithshme të vitit 2013 dhe tashmë është ministre e Shtetit për Marrëdhëniet me Kuvendin e Shqipërisë. 

Por, Spiropalin shumë "njyja" e lidhin me aferën e inceneratorëve. CNA ka denoncuar me dokumente, ku faktohet lidhja e saj me këtë aferë.  Bashkëshorti i Elisës, Salarjon Tota, ish-drejtor i ujësjellësit të Fierit, sipas një dokumenti të SPAK-ut punësoi Klodian Zoton si këshilltar të jashtëm. 

Në vitin 2014 kompania, subjekti METRONET me akisonerë kompaninë "Teo Alb" të Klodian Zoton e "ITS" e të tjerë përfiton një tender 4 miliardë lekë për matësit e ujit në Fier, matës inteligjentë të quajtur. (lexo këtu)

Në fakt, është treguar dhe vërtetuar që nuk kushtonin më shumë se 25 dollarë copa dhe që janë shitur me miliona euro, janë faturuar te klientët e varfër shqiptarë të ujësjellësit të Fierit, Korçës, Elbasanit, Lushnjës, Beratit e të tjerë. Pra, bashkëshorti i Elisës mori këshilltar Klodian Zoton dhe i dha atij tender. 

Bledi Çuçi

Kush janë 3 kandidatët që synojnë të drejtojnë
Bledi Çuçi

Bledi Çuçi, nga janari 2019 deri në dhjetor 2020 ka shërbyer si Ministër i Bujqësisë dhe Zhvillimit Rural në kabinetin e dytë të Edi Ramës. Më 16 dhjetor 2020, ai u zgjodh nga kryeministri për të shërbyer si ministër i Brendshëm pas dorëheqjes së Sandër Lleshajt. Sot ai mban postin e kreut të Grupit Parlamentar të PS-së. 

Së fundmi ai është thirrur edhe në Prokurorinë e Beratit për skandalin në Kombinatin Mekanik të Poliçanit, pasi u ekspozua ndaj përgjimeve. (lexo këtu)

Po kështu ai ka zgjedhur të bëhet avokati i kreut të Bashkisë së Tiranës, Erion Veliaj. Duke shpërfillur korrupsionin e drejtorëve të Veliajt, Çuçi në një konferencë të fundit shprehu mbështetjen për kryebashkiakun e Tiranës. Ai theksoi se "Veliaj nuk bëhet pis nga asnjë lloj balte dhe e cilësoi si atë më të suksesshëm që kanë pasur kryeqyteti dhe PS në këto vite". (lexo këtu) 

Fatmir Xhafaj 

Kush janë 3 kandidatët që synojnë të drejtojnë
Fatmir Xhafaj

Fatmir Xhafaj ose më saktë Enversti i fundit, mesa duket "fut hundët" kudo dhe kërkon të kapë ndonjë post me rëndësi. (lexo këtu)

Në politikë e ka nisur karrierën herët. Aktualisht është kryetar i Komisionit Parlamentar Ad Hoc për Reformën e Sistemit Gjyqësor të Kuvendit të Shqipërisë, ose e thënë ndryshe Komisioni që do të thërrasë në apel institucionet e drejtësisë. (lexo këtu)

Theksojmë se avokati i Erion Veliajt, ka si synim të sulmojë SPAK-un dhe Reformën në Drejtësi. Për këtë komision ai është braktisur jo vetëm nga opozita por edhe nga ndërkombëtarët. (lexo këtu)

Shërbeu si Ministër i Punëve të Brendshme të Shqipërisë nga viti 2017 deri në vitin 2018. Duhet të themi se si synim ka pasur edhe Ministrinë e Drejtësisë, por ëndrra nuk i është bërë realitet. 

Tashmë kërkon të drejtojë Kuvendit duke u vetëshpallur si kandidat./CNA 





Lajmet e fundit nga