web counter
LEXO PA REKLAMA!

SHKARKO APP

App Store
Google Play

E fundit!

x

Skandali në Kombinatin e Poliçanit/ Bledi Çuçi del në përgjime, thirret në prokurori

6 Korrik 2024, 13:43, Aktualitet CNA
Skandali në Kombinatin e Poliçanit/ Bledi Çuçi del
Ish-ministri i Brendshëm, Bledi Çuçi. Burimi, LSA

Prokuroria e Beratit ka thirrur ish-ministrin e Brendshëm, Bledi Çuçi për skandalin në Kombinatin Mekanik të Poliçanit, pasi ka dalë në përgjime.

Çuçi pritet të dëshmojë në prokurori më 15 korrik, si person që ka dijeni për ngjarjen.

Prokuroria e Beratit disponon biseda mes drejtorit të Kombinatit, Erjon Zylyftari që është drejtues i PS-së në Poliçan dhe ish-ministrit.

Prokuroria e Beratit e ka regjistruar çështjen si "shpërdorim detyre" dhe mund t’ja kalojë Prokurorisë së Posaçme.

Kujtojmë se 6 ish-punonjës të administratës së Kombinatit Mekanik në Poliçan (Uzinës së Armëve), mes tyre edhe drejtori i këtij Kombinati, Erjon Zylyftari, janë nën hetim nga Prokuroria e Rrethit të Beratit.

Personat tjerë nën hetim janë ish-shefja e financës, dy ish-magazinierë, ish-dispeçeri dhe ish-sekretarja.

Këta persona dyshohet se kanë shitur mbi 50 ton tunxh dhe kanë përfituar shuma të mëdha parash, gjatë periudhës 2017-2020.

Vlera e tunxhit të shitur me çmimet e tregut sot kap shifrën e 20 milionë lekëve, me të cilat mund të ishin paguar një pjesë e pagave të 100 ish-punonjës të uzinës./ CNA





Lajmet e fundit nga