web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi ngre alarmin: Qeveria ka çuar në prag të katastrofës sektorin e Bujqësisë

9 Prill 2025, 19:50, Politikë CNA

Këlliçi ngre alarmin: Qeveria ka çuar në prag të

Drejtuesi politik i PD-së për Tiranën Belind Këlliçi ka ngritur alarmin se qeveria ka çuar në prag të katastrofës dhe kolapsit total sektorin e Bujqësisë.

Këlliçi ka prezantuar programin e PD-së për fermerët duke theksuar se fermeri do të jetë investitori strategjik i PD-së-Aleanca për Shqipërinë Madhështore.

“Fermeri, investitori ynë strategjik!

Këto vite të qeverisjes Rama kanë dëshmuar për braktisjen totale dhe çuarjen e sektorit të bujqësisë në prag të katastrofës dhe kolapsit total!

Ulja e dukshme e numrit të banorëve në fshat, rënia e prodhimit bujqësor dhe eksportit, rënia e numrit të gjedhëve, hedhja e prodhimit në kanal për shkak të mos-subvencionimit, janë të gjitha shenja të një politike kriminale të harresës së qëllimshme për fermerin.

Politikë e cila ka favorizuar klientët e qeverisë si “investitorë strategjikë” dhe ka braktisur bujkun apo blegtorin i cili nuk merr subvencionime për prodhimin as sa vëllai i tij në Kosovë.

Partia Demokratike ka një plan konkret për ta ndalur këtë katrahurë dhe për të rikthyer çdo qindarkë tek qytetari.

Masat EMERGJENTE në bujqësi që PD do ndërmarrë janë:

- Subvencionimi për çdo kokë bagëti dhe njësi prodhimi.

- Mbrojtja sezonale e prodhimeve bujqësore.

- Subvencionim i naftës deri në nivelin e kostos.

- Mbështetja me grante dhe kredi të buta për fermerët dhe agropërpunuesit.

Me Ramën prodhimet tuaja përfundojnë në kanal.

Me Berishën dhe Partinë Demokratike, prodhimi juaj bëhet motor zhvillimi për zinxhirin ekonomik, nga tokat tuaja e deri në tezgat dhe tryezat e shqiptarëve”, deklaron Këlliçi./ CNA





Lajmet e fundit nga