web counter
LEXO PA REKLAMA!

SHKARKO APP

App Store
Google Play

Nënshkruhet marrëveshja për prodhimin e anijeve në Shqipëri/ Rama: Thellon miqësinë mes dy vendeve

8 Prill 2025, 18:43, Politikë CNA

Nënshkruhet marrëveshja për prodhimin e anijeve në

Sot në Portin e Durrësit u nënshkrua marrëveshja për prodhimin e  anijeve në Shqipëri. Kjo marrëveshje përbën nisjen e bashkëpunimit mes shoqërisë Fincantier dhe shoqërisë shqiptare 'KAYO' për sipërmarrjen e përbashkët në industrinë ushtarake navale. Prodhimi i anijeve pritet të shërbejë për nevojat e flotës shqiptare, e në të ardhmen për synimin e eskportit.

I pranishëm gjatë nënshkrimit ishte edhe kryeministri Edi Rama. Gjatë fjalës së tij, Rama tha se kjo marrëveshje thellon edhe më shumë miqësinë dhe marrëdhënien mes dy shteteve.

Rama tha se kjo marrëveshje e tejkalon bashkëpunimin në nivelin material, sepse lidh më tepër fqinjësinë mes Shqipqërisë dhe Italisë.

 “Dua t’i siguroj të gjithë që kjo është më shumë se aspekti material, sepse po punojmë për të krijuar një sinergji të rëndësishme dhe për të krijuar bashkë një energji të re, për të ecur përpara dhe për të transformuar dhe thelluar edhe më shumë këtë miqësi dhe marrëdhënie mes dy shteteve.

 Ti japim mundësi përpjekjeve të reja, dhe është shumë e qartë që duhet të bëjmë ç’është e mundur, nuk ka rëndësi nëse je i vogël apo i madh, por besoj se kjo lidhje me Italinë do të thotë edhe më shumë për punën e bërë bashkë. Dua të falënderoj të gjithë skuadrën. Dua të falënderoj edhe kreun e Ushtrisë italiane për të gjitha dhuratat dhe padyshim për kujtimet e bukura që mora”,-tha Rama.

Fincantieri është një kompani italiane ndërtimi anijesh me seli në Trieste, Itali. Ndërtuesi më i madh i anijeve në Evropë, pas blerjes së kompanisë Vard në vitin 2013, u dyfishua në përmasa për t’u bërë i katërti më i madh në botë në vitin 2014.

Kompania ndërton si anije tregtare ashtu edhe ushtarake./CNA

 





Lajmet e fundit nga