Këlliçi nga SHBA-ja: Trump u godit politikisht, por tani po bën realitet premtimet

22 Janar 2025, 10:22, Politikë CNA

Këlliçi nga SHBA-ja: Trump u godit politikisht, por tani po bën

Drejtuesi politik i PD-së për Tiranën, Belind Këlliçi, u shpreh se Donald Trump, pavarësisht se mund të jetë politikani më i hetuar, jo vetëm në politikën amerikane, por në atë botërore, i masakruar nga media e majtë amerikane, goditur në mënyrë permanente në të gjitha mekanizmat nga fondacioni i Sorros dhe tashmë po bën realitet gjithçka ka premtuar në fushatën elektorale.

Sipas Këlliçit, kjo situatë i ngjason me Berishën, që pasi doli nga arresti i shtëpisë iu drejtua socialistëve: “Unë erdha, ju e dini vetë”.

"Trump më ngjason me Berishën, pasi në seancën e parë që u kthye në parlament pas 333 ditësh arrest shtëpie, shkoi te foltorja me qetësinë e tij olimpike dhe u tha socialistëve: ‘Unë erdha, ju e dini vetë’.

Vijoi më tutje historia, Trump ka ardh dhe ata e dinë vetë dhe e majta amerikane e di vetë se çfarë ka bërë në këto 4 vite, duke nisur nga përdorimi dhe keqpërdorimi për të sulmuar kundërshtairn politik, ku o e ka pësuar Trump në kurriz, o nuk e ka pësuar njeri.

Trump mund të jetë politikani më i hetuar, jo vetëm në politikën amerikane, por në atë botërore pasi në çdo javë ka pasur një gjyq, sulme apo hetime të pafundme, goditja nga prokurorë dhe gjykatës të ndikuar drejtpërdrejtë nga ‘Shoqëria e Hapur’ e Sorros-it.

Është masakruar nga media e majtë amerikane, është goditur në mënyrë permanente në të gjithë mekanizmat nga fondacioni i Sorros dhe tashmë po bën realitet gjithçka ka premtuar në fushatën elektorale.

Mund të jetë një nga të paktat raste, në mos rast unikal, që një president i zgjedhur mezi pret të nisë detyrën për të bërë realitet premtimet elektorale, duke nisur që nga përcaktimi i dy gjinive mashkull dhe femër, që në fakt është një politikë botërore, tërheqja nga OBSH, për shkak të polemikave, përplasjes që ka pasur edhe gjatë përiudhës së pandemisë, tërheqja për herë të dytë nga ‘Marrëveshja e Parisit’ për ndryshime klimatike, ngrohjen globale dhe kjo është e dyta herë që tërhiqet dhe të gjitha vendimmarrjet e tjera për t'i vënë në frizë, ka vënë për momentin të gjitha punësimet në administratën amerikane, ka shkrirë një sërë institucionesh, kanë ikur një sërë punonjësish nga Departamenti i Shtetit, madje kanë dhënë dorëheqjen që para se ai të merrte detyrën.

Është fare i qartë që i ka bërë me dije edhe prokurorit që e ka hetuar e që i ka ngritur akuza, që mos të të gjej në detyrë në momentin që unë vij në presidencë dhe ky i fundit u dorëhoq para dy javësh.

Shumë e shumë vendimmarrje të tjera që kanë të bëjnë pikërisht me premtimet elektorale që ai ka dhënë dhe më e bukura ishte se gjatë kohës që Trump mbante fjalën e tij në ceremoninë e inaugurimit, Biden firmosi një nga urdhrat e tij të fundit që është falja për të gjithë anëtarët e familjes së tij dhe rrethit të ngushtë.

Në aktivitetin e zhvilluar më pas, Trump e thotë publikisht para medias se arsyeja që kjo ndodhi gjatë kohës që unë po flisja, është që pikërisht unë të mos e flisja më pas dhe të mos e dija, por ja ku jam tani, e mora vesh dhe do flas pasi është në kufijtë e absurdit"./ CNA