E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

"Entuziazmi këtu është 40 gradë"/ Këlliçi nga SHBA: Me Trump president, prisni zhvillime në ditët në vijim

21 Janar 2025, 22:01, Politikë CNA

Drejtuesi politik i Partisë Demokratike për qarkun e Tiranës, Belind Këlliçi

Drejtuesi politik i Partisë Demokratike për qarkun e Tiranës, Belind Këlliçi ndodhet në Shtetet e Bashkuara të Amerikës, ku ka marë pjesë në ceremonitë post inaguruese të presidentit të 47-të të SHBA-ve, Donald Trump.

Në një lidhje drejtpërdrejtë me skype nga SHBA për emisionin e Adi Krastës, ndau detaje nga takimet me zyrtarë të lartë shtetërorë, për të cilin tha se do të ketë një vëmendje të shtuar ndaj Ballkanit e Shqipërisë.

Ndërkaq, Këlliçi paralajmëroi se në vijim do të ketë zhvillime të rëndësishme për vendin tonë.

Edhe në lidhje me zgjedhjet e 11 majit, Këlliçi u ndal në votën e bashkëatdhetarëve shqiptarë që jetojnë në SHBA, për të cilën tha se do të ketë një ndikim tejet të rëndësishëm.

"Entuziazmi këtu është 40 gradë, edhe pse temperaturat këtu në Amerikë janë -10. Do të kemi rezultat fantastik nga shqiptarët në Amerikë, pritet të ketë një lumë votash në mbështethje të PD, jo vetëm në Amerikë por në të gjithë botën. Janë këta shqiptarë që mbajnë familjet e tyre me remitancat që dërgojnë. E dinë fare mirë se në çfarë kushtetsh jetojnë familjet e tyre, pensionet që marrin prindërit e tyre. Kam edhe ish-bashkëpunëtorë të mi, që kanë ikur në Amerikë. Kjo është plagë shoqërore e jashtëzakonshme, kanë ikur njerëzit më të mirë, që kanë dhënë kontribut për ndryshimin në Shqipëri, të cilët kanë ikur pasi nuk u janë ofruar kushte për të punuar e kontribuar në Shqipëri.

Ajo që ndjej tani me inicinimin e presidentit Trump me marrjen e detyrës: Atë shprehjen e para një muaji të Berishës kur u kthye në parlament pas arrestit politik, ku tha që: Unë erdha, ju e dini vetë. Brenda 24 orëve ka kaluar disa urdhra ekzekutivë nga premtimet që ka dhënë në fushatë. Është shumë i qartë në presidencë, mesazhe të qarta me marrjen e detyrës. Shumë zyrtarë që janë sponsorizuar nga Sorors, kanë dhënë dorëheqjen pasi Trump ka qenë i qartë se këtë sekt do ta zhbëjë. Kanë një ide të qartë për të zhbërë perandorinë e Soros dhe ekstremit të majtë.

Trump është president i SHBA dhe i gjithë botës. Bashkë me Z.Mediu kemi qënë të ftuar në 3 festat e ndryshme të ceremonisë së inagurimit të Trump. Kemi pasur mundësi të takojmë bashkëpunëtorë, miq, do kemi zhvillime shumë të rëndësishme në ditët në vijim, Ballkani dhe Shqipëria s’do të mbetet jashtët interesit të SHBA. Ghjithçka ka ndodhur në SHBA, është implementuar fotokopje në Shqipëri. Kapja e pushtetit qendror e lokal, e drejtësisë, e mediave, në mënyrën e masën që ka ndodhur nga ky fonadacion, s’ka ndodhur në asnjë vend të botës."