E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Luca i përgjigjet partisë së xhepistëve

22 Janar 2025, 09:43, Politikë CNA

Gjergj Luca

Partia e xhepistëve është një parti, e drejtuar dhe e themeluar dikur nga Besjan Pesha i LSI-së, një hajdut i dënuar dhe në gjykatë, një njeri i korruptuar, një ish-vegël e Mjaft-it të Erion Veliajt dhe Endri Fugës, nga Pano Soko, zyrtari i AKBN në kohën kur Pesha ishte drejtor dhe nga Endri Shabani i George Soros.

Partia e xhepistëve kërkon të bëhet protagoniste, ku një nga njerëzit e paguar nga George Soros, Endri Shabani, një produkt i dalë nga Aleanca Kuq e Zi e Kreshnik Spahiut, në krye të partisë së themeluar nga një xhepist ku bëjnë pjesë edhe hajdutë të tjerë të LSI-së, dalë nga MJAFT-i i Sorosit dhe Erion Veliajt, sulmon biznesmenin Gjergj Luca duke e quajtur oligark.

Shabani i Sorosit ka marrë përgjigjen nga sipërmarrësi dhe biznesmeni Gjergj Luca për akuzat drejtuar tij.

Luca e ka ftuar publikisht të përballet me të dhe t’i thotë akzuat në sy dhe jo në rrjetet sociale. Biznesmeni i drejtohet Shabanit të Sorosit dhe e sfidon t’i thotë përballë privilegjet që ka marrë ai.

“Shabani është kryetari i 'Nismës Shthurje'. Nuk na shkon të merremi me 'TikTok'. Të shkojmë në një studio aty dhe i sqarojmë gjërat bashkë. Kush është kapitalizmi ta shpjegoj unë, ti do të më shpjegosh privilegjet që kam marrë unë.

Shabani që kakaris në plehun e rrjeteve sociale, Shabani kryetar i nënkryetarit të thurjeve të shpifësit Pano Sako, megjithëse janë politikanë të rinj kanë frikë të ballafaqohen me të vërtetat e njerëzve të punës. Po u pres në cilindo televizion t'i flasim hapur publikut e në fund fare le të vendosë publiku nëse unë duhet të vazhdoj të punoj ose ju të largoheni nga politika”, ka deklaruar Luca.

Kjo është përgjigjja e biznesmenit për Shabanin e Sorosit dhe Veliajt, i cili del dhe kakaris në rrjetet sociale duke hedhur akuza poshtë e lart për biznesmenët duke i quajtur oligarkë.

I paguar nga Soros, i dalë nga një parti xhepistësh, nga një parti e themeluar nga hajdut i dënuar nga gjykata, e beson veten të jetë një alternativë e re për Shqipërinë.

Në fakt, personazhe si Shabani i Sorosit dhe produkti i partisë së xhepistëve që fshihen pas imazhit të opozitarit dhe janë kundër sistemit të sotëm, në të vërtetë janë vegla të tij dhe kërkojnë të hyjnë brenda me çdo kusht./ CNA