web counter
LEXO PA REKLAMA!

SHKARKO APP

App Store
Google Play

E fundit!

x

KAS rrëzon kërkesat e Xhemal Gjunkshit: Nuk sjellin ndryshim në renditje

11 Qershor 2025, 18:00, Politikë CNA

KAS rrëzon kërkesat e Xhemal Gjunkshit: Nuk sjellin ndryshim në

KAS ka rrëzuar kërkesat e kandidatit të PD-ASHM Xhemal Gjunkshi. Sipas KAS kqyrja e kutive të votimit u bë dhe u prodhua kështu që nuk ka më se çfarë të hetohet.

Sa i përket kërkesës së dytë për hapjen e kutive të KZAZ-së 16, KAS thotë se nuk ka bindjen që këqyrja e KZAZ 16 do të sjellë ndryshim të renditjes për shkak se pamjet filmike nuk përputhen me gjendjen fizike të fletëve të votimit.

Dhe sa i përket kërkesës së tretë për votat e diasporës, sipas KAS është e pambështetur në pretendime dhe në prova sepse nuk ka asnjë provë sa i takon votave të diasporës që ata do sjellin ndryshim të renditjes.

“Për rastin e parë që kërkoni konfrontimin e pamjeve filmike me procesverbalet e mbledhjes, nisur nga pamjet filmike bëmë këqyrjen e këtyre kutive dhe rezultati që ishte ai që doli dhe u prodhua, nuk kemi çfarë të hetojmë më shumë në këtë rast.

Sa i përket kërkesës së dytë për hapjen e kutive të KZAZ-së 16 është kërkesë që hoqët dorë vetë në seancën e mëparshme, dhe e dyta nga pretendimi juaj i pamjeve filmike rezultoi dhe për këto dy KZAZ të tjera që nuk qëndronin pamjet filmike me votat fizike në kuti. Edhe në këtë rast nuk krijojmë bindjen që këqyrja e KZAZ 16 do të na sjellë ndryshim të renditjes për shkak se pamjet filmike nuk përputhen me gjendjen fizike të fletëve të votimit.

Kërkesa e tretë për votat e diasporës, e gjejmë të pambështetur në pretendime dhe në prova sepse nuk ka asnjë provë sa i takon votave të diasporës që ata do sjellin ndryshim të renditjes”, tha anëtari i KAS, Elvin Lako./ CNA





Lajmet e fundit nga