web counter
LEXO PA REKLAMA!

SHKARKO APP

App Store
Google Play

E fundit!

x

Dështimi përtej mjerimit të opozitës

11 Qershor 2025, 11:36, Politikë CNA

Dështimi përtej mjerimit të opozitës

Mediat kanë raportuar se opozita dhe deputetë të saj, pas humbjes kanë filluar provokime të pista duke shfrytëzuar për humbjen e tyre dhe dëshpërimin që i ka zënë, komunitetet fetare. Bëjnë propozime ligjesh, hedhin shashka, përplasin në fytyrë dokumente.

A thua se opozita dhe njerëzit e saj mund t’i marrin e t’i përdorin komunitetet fetare si “mish për top” për brengat e humbjes, për skandalet dhe për pafuqinë për të rrëzuar një qeveri që mbahet prej 12 vitesh, skandal pas skandali, në pushtet.

CNA sjell një material për një propozim të komentuar dhe nga deputeti Lefter Gështenja, ku në mënyrë të turpshme është përdorur Komuniteti Mysliman dhe besimtarët e tij. Në mënyrë banale dhe të pistë, Lefter Gështenja dhe opozita propozojnë që t’u jepet leje speciale apo të krijohen ambiente për t’u falur besimtarët në bizneset private apo institucionet shtetërore.

Kjo është një idiotësi e padëgjuar më parë. Shqipëria është një shtet laik zyrtarisht. Për çfarë na duhen të tilla provokime? Për t’i hedhur ca letra surratit qeverisë, që opozita të përfitojë duke shfrytëzuar komunitetet fetare.

Sipas propozimit të Lefter Gështenjës, në çdo institucion duhet të bëjmë xhami e kisha sepse Lefteri thotë nëse kemi më shumë se 50 punonjës në çdo ministri duhet të bëjmë një xhami.

Nga ana tjetër Komuniteti Katolik dhe ai Ortodoks, të cilët kanë festat e tyre gjatë javës, të Shenjtorëve të tyre, duhet të ndërtojnë kisha, që të falen atë ditë dhe besimtarët bektashinj mund të ndërtojnë tyrbet apo teqetë e tyre.

Është Lefter Gështenja një budalla apo është çmendur se nuk do të ketë mandat deputeti, se kush ka qenë dhe se në çfarë skandalesh e aferash është përfshirë kjo dihet. Por të përdorësh komunitetet fetare me të tilla propozime idiote për të ndërtuar faltore e për të marrë leje nga puna në orare për t’u falur kjo është e padëgjuar.

Shteti shqiptar është laik. Njeh zyrtarisht festat e komuniteteve fetare, është dakordësuar me ta dhe këtu gjithçka është e mbyllur. Me propozimin e Lefter Gështenjës, brenda çdo ministrie, brenda çdo ndërmarrjeje, brenda çdo institucioni, ndoshta në çdo pallat duhet të kemi nga një xhami e një kishë që të vemë të falemi. Ndërkohë që vendet e faljes, kishat dhe xhamitë ndodhen kudo në Shqipëri. Nuk ka më qytete pa xhami e pa kisha. Nuk ka më fshatra që nga historia e vendit, shekuj më parë, e jo më sot.

Ndaj dhe të tilla propozime janë thjesht dëshpërime, brenga që përkthehen në turpe dhe skandale për një opozitë që duket e pafytyrë, duke hedhur shashka për të goditur dhe keqpërdorur komunitetet fetare dhe bashkëjetesën e mrekullueshme, një nga simbolet më të mira që ka vendi ynë./ CNA





Lajmet e fundit nga