web counter
LEXO PA REKLAMA!

SHKARKO APP

App Store
Google Play

E fundit!

x

Padia e Irena Gjokës/ Gjokutaj: Nuk e kanë kuptuar se Berishës nuk mund t’i bësh presion

10 Qershor 2025, 20:03, Politikë CNA

Padia e Irena Gjokës/ Gjokutaj: Nuk e kanë kuptuar se Berishës

Avokati Genc Gjokutaj ka folur për padinë e gjyqtares Irena Gjoka ndaj kreut të PD-së Sali Berisha dhe vajzës së tij Argita Malltezi.

Gjokutaj u shpreh se, kemi të bëjmë me një verbim të 4 institucioneve.

Sipas Gjokutajt ende nuk e kanë kuptuar se Berishës nuk mund t’i bësh presion me këtë lloj çështjeje.

“Berisha ka anatemuar gjyqtaren me 3 mbiemra Maneku, Shpata, Gjoka, për të gjitha shkeljet që me vetëdije ka kryer që kur e ka prekur në atë dosje.

Veprimi i parë ka qenë që nuk e kaloi në parlament dhe pas disa muajsh ra dakord dhe Kushtetuesja.

Këtu është bërë një plan masash.  Nuk ka mundësi të verbohen dhe bllokohen 4 institucione. Kushtetuesja luajti mendsh se nuk quajti 1/5 e deputetëve. KLP, ILD, KLGj... të gjithë memecë.

Berisha nuk është autori i lajmit, është përcjellësi i saj. Ka detyrimin si lider i opozitës të informojë qytetarët.

Këtu kanë adoptuar standardit e opozitës me leje. Irena ka bërë kallëzim ndaj zotit Berisha e së bijës, Malltezi për fyerje të gjyqtarit.

U bë mbi një vit që kemi kërkuar zyrës së prokurorit të përgjithshëm të bënte verifikimin e dënimit të Irenës, administrativ dhe penal dhe ende nuk e kemi ndërsa për Fredi Belerin u mor për 10 ditë.

Pse ndodh kjo?

Sepse ke KLGJ, ILD.. Çështja Berisha hoqi jorganin e drejtësisë e i nxori lakuriq. Këta janë të githë në bashkëpunim. 

Këta janë ca kokëfortë që akoma nuk e kanë kuptuar që Berishës nuk mund ti bësh presion me këtë lloj çështjeje. Duan të merren me një fyerje. Po çfarë do të nxjerrësh për këtë? Pasi fakti për të cilën Berisha ka folur është i vërtetë, dhe do të djegë duart e atij që ka dosjen. Berisha nuk gënjen.

Në gusht ka ndodhur akti i fyerjes por Irena e ka ndjerë në nëntor. 4 muaj nuk ka qenë e fyer.

Pse?

Sepse në fund të tetorit janë mbyllur hetimet, dhe kjo pa pasur detyrë të mos e dorëzonte dosjen. Në momentin që në gusht do të bënte kallëzim ndaj Berishës, kallëzuesja nuk do të vazhdonte më gjyqin ndaj të kallëzuarit.

Ky është dokumentimi më i qartë i faktit se dosja nuk është marrë me short, por është marrë me caktim, deri në material shtrëngues që ka pasur për këtë. 

Këto janë veprime antiligjore dhe krijojnë dyshime për gjendjen psikoemocionale", tha Gjokutaj./ CNA





Lajmet e fundit nga