web counter
LEXO PA REKLAMA!

SHKARKO APP

App Store
Google Play

Kaosi në Kuvend/ Bardhi letër Nikollës: Sjellja e mazhorancës, si ajo e diktatorit të Koresë së Veriut

20 Nëntor 2023, 14:51, Politikë CNA

Kaosi në Kuvend/ Bardhi letër Nikollës: Sjellja e

Kreu i Grupit Parlamentar të PD-së, Gazment Bardhi, i ka dërguar një letër kryetares së Kuvendit, Lindita Nikolla dhe vë në dijeni edhe ambasadat në Tiranë për situatën e sotme të krijuar në Kuvend.

Bardhi e krahason sjellen e sotme të mazhorancës me ato të diktatorit të Koresë së Veriut, Kim Jong. Sipas Bardhi mazhoranca po tenton të krijojë një parlament njëpartiak dhe antidemokratik.


“Përmes mohimit të të drejtës kushtetuese për kontroll parlamentar të Qeverisë, mosshqyrtimit të projektligjeve të deputetëve të opozitës, mohimit të të drejtës për të marrë përgjigje nga organet ekzekutive për çështje në interes të qytetarëve, apo mohimit të të drejtës për të caktuar ajo përfaqësuesit e vet në komisionet e posaçme parlamentare, praktikisht mazhoranca juaj po tenton të krijojë një Parlament njëpartiak, antidemokratik, autoritar dhe që dhunon hapur të drejtat e pakicës parlamentare” – shkruan Bardhi.

Bardhi solli në vëmendjen e kryeparlamentares Nikolla se pengimi i deputetëve të opozitës që të futen në zyrat e tyre në Kryesinë e Kuvendit, apo prezenca brenda sallës së seancës plenare të rreth 60 punonjësve të Gardës së Republikës, është në shkelje të Rregullore së Kuvendit dhe e ka shndërruar Parlamentin në sallë të Gardës së Republikës, duke intimiduar deputetët e opozitës me forca sigurie.

 “Intimidimi me forca sigurie i deputetëve të opozitës, është një veprim që edhe Koreja e Veriut dhe vetë Kim Jong-un do ta kishte zili. Shqipëria si një vend anëtar i NATO-s dhe vend kandidat për në Bashkimin Europian, duhet të përafrohet me standartet e vendeve të BE-së dhe jo me standartet e diktatorit të Koresë së Veriut! Në çdo rast më lejoni që në emër të deputetëve të opozitës t’ju siguroj ju dhe udhëheqësin tuaj shpirtëror Edi Rama, që do të mbeteni përjetësisht dhe në tentativë vetëm një kopje e shëmtuar dhe në miniaturë e Kim Jong-ut", përfundon deputeti demokrat./CNA

 





Lajmet e fundit nga