web counter
LEXO PA REKLAMA!

SHKARKO APP

App Store
Google Play

E fundit!

x

Kampet në vend/ Berisha: Barbari shndërrimi i Shqipërisë në autostradë emigrantësh

8 Dhjetor 2025, 15:21, Politikë CNA

Kampet në vend/ Berisha: Barbari shndërrimi i Shqipërisë

Kryetari i Partisë Demokratike, Sali Berisha, në deklaratën e tij për mediat është ndalur te qendrat e emigrantëve që janë planifikuar të ngrihen në Shqipëri.

Berisha tha se një projekt shfarosës kërkon që shqiptarët të ikin me çdo kusht nga vendi.

Më tej, Berisha tha se Shqipëria po shndërrohet në një autostradë emigrantësh, gjë të cilën e cilësoi si barbari.

Kreu i PD-së deklaroi se Rama po synon të denatyrojë kombin shqiptar, duke i zëvendësuar shqiptarët e larguar me emigrantët.

 

“Ne do të paraqesim në Parlament, elementët bazë të platformës sonë për ripopullimin e vendit. Në qoftë se nuk bëhen hapat e parë të mbështetur financiarisht ne po ecim drejt një humnere kombëtare.

Dhe nëse fillohet këtë vit, do të duhen 30 gjer në 50 vite për të arritur atje ku ishim në vitin 2013. Por një projekt shfarosës, shpërbërës, kërkon me çdo kusht që ata të ikin nga Shqipëria.

Tani flet për 28 qendra të reja pritjeje. Unë nuk dua të komentoj, sepse nuk është bërë asnjë transparencë për këto, por ajo që dua të them; shndërrimi i Shqipërisë në autostradë emigrantësh është një barbari mbi emigracionin në radhë të parë.

Është dorëzim i atyre qenieve në kthetrat e mafies më të pashpirt në Europë. Minimumi mafie e cila drejton dhe sundon policinë, në drejtësi dhe sundon kudo dhe nuk ka asnjë qëllim tjetër përveç se të përfitojë prej qenieve mjerane.

Së dyti, nëse me këtë Edi Rama dhe është shumë e mundshme, synon të zëvendësojë shqiptarët që ikin, të denatyrojë kombin shqiptar në një mënyrë të paimagjinueshme, edhe kjo është një rrezik ekzistencial për Shqipërinë në çdo rast.

Ndaj dhe ne duhet të mbrojmë një politikë, e cila bazohet në nxitjen e ripopullimit të këtij vendi, nxitjen e lindshmërisë që sot është aq sa ishte 100 vite më parë sipas INSTAT-it vetë dhe sipas OKB-së është treguesi më i ulët në botë për shkak të emigracionit thotë OKB”, tha Berisha./CNA





Lajmet e fundit nga