web counter
LEXO PA REKLAMA!

SHKARKO APP

App Store
Google Play

“Foltorja 2”/ Baçi: Mblidhemi për shqetësimet e qytetarëve, nuk do përsërisim 21 Janarin

7 Dhjetor 2025, 22:09, Politikë CNA

“Foltorja 2”/ Baçi: Mblidhemi për shqetësimet e

Deputeti demokrat, Luan Baçi komentoi sot lidhur me protestat e deritanishme të zhviluara nga opozita si pjesë e nismës së quajtur “Foltorja 2” para Kryeministrisë.

I ftuar në A2 CNN, Baçi u shpreh se foltorja do të vazhdojë, e ideuar për të bërë publike shqetësimet e qytetarëve, teksa shtoi se PD-ja nuk do të përsërisë protestat e 21 janarit.

“Nuk kemi thënë ne që ajo foltorja e orës 18:00 e çdo dite të hënë do të vihet atje dhe atë ditë që do vihet do rrëzohet Rama. Ajo u krijua si rezultat i një bllokade të vërtetë në Parlament, i ndërprerjeve të seancave parlamentare për ligje shumë të rëndësishme pa asnjë shkak dhe pa arsye, duke i kaluar në votim direkt dhe pa diskutim.

U pa e arsyeshme që një foltore e tillë të ishte prezent si për deputetët, por pse jo, edhe për qytetarët për të denoncuar të gjitha problematikat dhe për të bërë publike shqetësimet e tyre. Për mua, kompleksi i numrave nuk ekziston. Masiviteti për mendimin tim është i bollshëm. Pavarësisht se janë 200, 500, 1000 apo 5000, të njëjtin rezultat do ketë dhe të njëjtën punë bën.

Partia Demokratike ka treguar që kur do të tregojë forcën e numrave e ka treguar dhe të jeni të bindur që do jetë e shpejtë dita që do tregojmë forcën e numrave, por e dimë mirë që analistët përsëri në media do të mblidhen dhe do të thonë që u mblodhën atje 50 mijë veta, por çfarë bënë? Nuk rrëzuan Ramën.

Nëqoftëse presin që ne të bëjmë 21 Janarin, unë nuk jam dakord. Ajo foltorja për mua është shumë e mirë që bëhet një herë në javë. Le të bëhet dhe dy herë në javë. Mund të bëhet dhe një herë në 15 ditë. Do vazhdojnë foltoret dhe takimet në gjithë vendin. Kryetari i Partisë Demokratike do t'i vazhdojë. Analiza ka filluar tashmë në të gjitha degët e Partisë Demokratike dhe do të vazhdojë hap pas hapi”,-u shpreh Baçi./CNA 





Lajmet e fundit nga