Gjysmë e vërteta e Kryemadhit/ “Pendohet” LSI, ndryshon qëndrim për transaksionin 30 milionë dollarë

5 Korrik 2022, 19:06, Politikë CNA

Gjysmë e vërteta e Kryemadhit/ “Pendohet” LSI, ndryshon

Kryetarja e LSI-së, Monika Kryemadhi

Ditën e sotme, CNA.al raportoi se denoncimet e Monika Kryemadhit për aferën e inceneratorëve janë gjysmë të vërteta.

Kryemadhi deklaroi se një zinxhir kompanish, kanë bashkëvepruar me kompanitë e inceneratorëve, sipas saj duke shkaktuar një evasion fiskal në total 189 milionë dollarë.

Kryetarja e LSI-së tha se 24 kompani faturonin fatura fiktive dhe më pas këto kompani iu shitën personave të tretë, të panjohur, me qëllimin për të humbur gjurmët. Si rast konkret, ajo përmendi çiftin e të moshuarve Thanas Çani dhe Haxhire Gurakuqi. Sipas saj, të moshuarit kanë blerë biznese 30 milionë dollarë.

Në një deklaratë për mediat, Kryemadhi tha sot se “Sapo u ndava me djalin e Thanas Çanit, bëra një bisedë, dhe jo vetëm që nuk kanë firmosur një kontratë të tillë, por më 2019 janë thirrur nga krimi ekonomik për një faturë rreth 30 milionë dollarë, që është quajtur evazion fiskal. Zotëria më bëri të ditur që ky është akti i regjistrimit, në emër të Thanas Çanit, i regjistruar më 8 korrik të 2019 dhe është administrator deri më 2024. Edhe pse krimi ekonomik e ka thirrur dhe ka marrë dijeni që zotëria nuk kishte dijeni për çëshjen, nuk është njoftuar që ishte administrator i kësaj firme, nuk i kanë bërë të ditur asgjë”.

Skema e kompanive zinxhir është tërësisht e vërtetë, ndërsa e pavërteta e Kryemadhit qëndron te transferta prej 30 milionë dollarësh.

LSI duhet të qartësojë nëse kjo faturë është transaksion, evazion apo kalim me llogaritë bankare të kompanive të pensionistëve.

Afera e inceneratorëve/ Gjysmë e vërteta e Kryemadhit dhe korrupsioni i LSI-së
5 Korrik, 14:55

Pas shkrimit të CNA.al, ka ardhur edhe reagimi i LSI-së. Ka qenë pikërisht nënkryetarja e LSI-së për Tiranën, Brisida Shehaj, ajo e cila ka pohuar atë që thotë CNA.al dhe ka mohuar deklaratat e mëparshme të Kryemadhit.

Shehaj tha në emisionin “Task Force” se transferta prej 30 milionë dollarësh nuk ekziston dhe është një spekulim. Ajo theksoi se kompania që rezulton në emër të nënë Haxhiresë ka qarkulluar në total 17 milionë dollarë me fatura.

“Ky është spekulim. Unë nuk dua të spekuloj, ky është spekulim. Nuk ka pasur Haxhireja 30 milionë euro se gjithë qarkullimi i kompanisë së asaj 1.7 miliardë ka qenë, 17 milionë dollarë që ka qenë qarkullim faturash. 30 milionë euro është në overall ajo çfarë LSI-ja estimon që ka ndodhur.

Nëse inceneratorët kanë marrë 12 miliardë lekë deri tani, 120 milionë dollarë, nga këto 4 miliardë lekë janë fatura të shkëmbyera me inceneratorët. Tek ky 40 milionë dollarëshi që ne estimojmë se ka ndhur me inceneratorët, futet pjesa e mashtrimit, evazioni. Por nuk ka transanksion 30 milionë euro”, theksoi Shehaj./ B.A. - CNA.al