web counter
LEXO PA REKLAMA!

SHKARKO APP

App Store
Google Play

FOTO/ Grupi i Bajrajve terror në qendrat e votimit në Shkodër, lëvizje me makina të blinduara

30 Tetor 2023, 13:06, Politikë CNA

FOTO/ Grupi i Bajrajve terror në qendrat e votimit në Shkodër,

Ish-kryeministri Sali Berisha në konferencën e sotme për mediat ka publikuar video dhe fotografi, ku sipas tij anëtarë të grupit Bajri kanë shkuar në disa qendra votimi në Shkodër, në zgjedhjet e 14 majit.

Në videon e publikuar nga Berisha shfaqen momente ku një grup personash kryejnë inspektime në disa qendra votimi në Shkodër, pra në disa shkolla të zonës.

Sipas Berishës ata lëvizin me makina të blinduara dhe janë shoqëruar nga makina të policisë gjatë inspektimit. 

Ish-kryeministri nënvizoi se grupi i Bajrajve kishte një anëtar të kryesisë së PS me vete, i cili i shoqëronte kudo. 

"Bajrajt kanë vrasësit e tyre të fjalës së lirë edhe në media, përveç Taulant Ballës dhe Edi Ramës. Një nga një, këto do zbërthehen. Por sot ne ju paraqesim ju, terrorin që ata ushtruan më 14 maj, në qytetin e lirisë, në qytetin e Shkodrës, për të grabitur mandatin e qytetarëve të Shkodrës. Ju ftoj të ndiqni këtë dokumentar horror, 24 minuta. Keni durim, por tregon të gjithë dramën elektorale të qytetit. Me emër, mbiemër, me targa, me makina. Qarkullimi që bënë këta gjatë ditës me makina. Më falni, harrova të them se përveç Beharit dhe Denisit, Safeti edhe ai u nxor nga burgu menjëherë, se kishte pasur qëndrim të mirë, dhe u dërgua te banda para zgjedhjeve", shprehet Berisha./CNA





Lajmet e fundit nga