E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Çështja "Beleri"/ Rama, i ashpër me përfaqësuesin grek: Mësoni të respektoni drejtësinë

15 Shkurt 2024, 15:50, Politikë CNA

Kryeministri Edi Rama

Sakis Ioannidis, përfaqësuesi i Greqisë në Komitetin Ekonomik dhe Social Evropian/Anëtar i Administratës Qendrore të Ekonomisë përmendi në Bruksel çështjen e Fredi Belerit, kryebashkiakut të zgjedhur të Himarës.

Por kryeministri Edi Rama ishte i ashpër në përgjigjen e tij, duke i thënë se Greqia duhet të mësojë të respektojë drejtësinë në vendin e tyre, në çdo vend të Bashkimit Evropian dhe të hemisferës evropiane.

Rama deklaroi se eksponentët grekë po alarmojnë botën dhe po e tregojnë Shqipërinë si Siberia, kur kjo gjë nuk është e vërtetë.

Kreu i qeverisë theksoi edhe një herë se dosja për Belerin është thjesht një çështje e drejtësisë dhe është kjo e fundit ajo që do të japë përgjigjen.

“Jam i detyruar të reagoj ndaj ndërhyrjes nga kolegu grek, i cili e bëri Shqipërinë të dukej si të ishte Siberia dhe që dikush në Siberi po mbahet peng nga një regjim mizor e i përgjakshëm vetëm sepse është shtetas grek. Kjo duhet të jetë arsye për të alarmuar botën se Shqipëria nuk është Shqipëria, por është Siberia.

Më duhet të përgjigjen shumë thjesht. Kjo mënyrë për ta parë çështjen është krejt delirante, nuk ka të bëjë aspak me realitetin dhe nëse do të kishte një grimcë të vërtetë në të gjithë këtë shpërthim, a besoni se ky qytet do të kishte qëndruar në heshtje e nuk do të kishte thënë asnjë fjalë? Pra, nuk do të kishte pasur as një fjalë, as nga Komisioni Evropian, as nga Këshilli Evropian, as një fjalë nga shtetet e tjera anëtare?

Kjo është vetëm kaq, një çështje e drejtësisë në një vend sovran ku Reforma në Drejtësi ka qenë reforma më e lëvduar nga Bashkimi Evropian dhe ku më së fundmi askush në Shqipëri nuk është mbi ligjin, qoftë i pasur apo i varfër, qoftë politikan apo qytetar i zakonshëm, qoftë shtetas shqiptar apo grek dhe nuk ka asnjë arsye për ta sjellë gjithë këtë dramë e traumë ballkanike në Bruksel sepse tingëllon shumë, shumë larg asaj çka e bën Bashkimin Evropian atë që është.

Më duhet t’i garantoj kolegut grek dhe çdo greku që mendon po njësoj që nuk ka asgjë të tillë. Kjo është thjesht një çështje e drejtësisë dhe drejtësia do të japë përgjigjen, më në fund. Mësoni të respektoni drejtësinë në vendin tuaj dhe në çdo vend të Bashkimit Evropian dhe të hemisferës evropiane”, nënvizoi Rama./ CNA