web counter
LEXO PA REKLAMA!

SHKARKO APP

App Store
Google Play

E fundit!

x

Çela zbulon arsyet/ Pse Partia Socialiste arriti fitoren në bashkinë e Durrësit

26 Maj 2023, 20:10, Politikë CNA
Çela zbulon arsyet/ Pse Partia Socialiste arriti fitoren në
Drejtuesi politik i qarkut të Durrësit, Ardian Çela

Drejtuesi politik i qarkut të Durrësit, Ardian Çela ka treguar arsyet se përse Partia Socialiste pati një rezultat të suksesshëm në bashkinë e Durrësit, ku mori një tjetër mandat Emiriana Sako.

Gjatë turit të falenderimit të kryeministrit Edi Rama, Çela tha se një nga arsyet e suksesit janë projektet dhe investimet që PS ka nisur në qytetin bregdetar.

Një tjetër arsye, sipas tij është prezenca e Ramës si deputet i qarkut Durrës dhe gjetja e Sakos si kandidate e PS-së.

“Ky moment sa ç’është moment falenderimi, është dhe mirënjohjeje për të gjithë ju që kontribuat në arritjen e kësaj fitoreje. Secili nga ne mund ta thotë që ja dolëm, u kry. Ka disa arsye pse ja dolëm, por do përmend dy-tre.

Së pari, rëndësia që i është dhënë Durrësit dhe qarkut Durrës në shkallë kombëtare nga kryeministri Edi Rama, me të gjithë projektet dhe investimet të nivelit kombëtar dhe ndërkombëtar.

Arsye tjetër është potenciali i madh politik që i është dhënë qarkut Durrës nga prezenca e kryeministrit Edi Rama, deputet në qarkun Durrës. Pjesa më e madhe këtu ka bërë disa beteja elektorale dhe ne e dimë sa e vështirë është të përsërisësh fitoren. Madje monotonia e riskon atë.

Gjetja e Anit. Një nënë, një grua që nuk shfaq protagonizëm, por protagonizmin e merr me punë. Të gjithë këtu e dinë se si dhe sa Ani, punon, punon, punon dhe punon. Dhe kjo gjetje ishte “asi nënë mëngë” për strategjinë e arritjes së fitores”, theksoi ai./ CNA.al





Lajmet e fundit nga