LEXO PA REKLAMA!

SHKARKO APP

App Store
Google Play

Sulmoi mediat/ Ylli Rakipi i përgjigjet Berishës: Doktor, mblidh mendjen

25 Maj 2023, 23:03, Politikë CNA
Sulmoi mediat/ Ylli Rakipi i përgjigjet Berishës: Doktor, mblidh
Gazetari Ylli Rakipi

Kryetari i Partisë Demokratike, Sali Berisha, kritikoi mbrëmjen e sotme ashpër mediat për qëndrimin e mbajtur gjatë fushatës elektorale dhe pas përfundimit të zgjedhjeve.

Por një përgjigje për Berishën ka ardhur nga gazetari Ylli Rakipi.

Ky i fundit i ka drejtuar një sërë pyetjesh Berishës dhe i ka vënë në dukje se nuk ia kanë fajin televizionet për humbjen e zgjedhjeve.

"Po mirë mo Doktor i dashur, nuk e kupton që ne kemi gjithë këtë kohë që bërtasim me të gjithë fuqinë, që ditën që Amerika e madhe të shpalli ty ‘non-grata’, kemi thënë ku i ke provat moj Amerikë e madhe kundër Doktorit?

Pse mo Doktor mbërrin në këtë gjendje? Studiot televizive ta paskan fajin ty? Pse mo Doktor i dashur rrëshket, apo kështu të duhet sot? Çfarë të kanë bërë studiot televizive? Pse nuk del të thuash që Tom Doshi që mund të ketë ndarë para vërtetë, i ka ndarë para filanit, filanit, këtij emisioni, atij emisioni, Edi Rama ka blerë këtë apo atë media?! Asnjëherë nuk e dëgjojmë se kë media konkretisht.

I pari ti shkon te mediat e superblera nga Edi Rama, ngrysesh dhe gdhihesh te këto media, përveç medias tënde sigurisht dhe me vështirësi të madhe vjen te media jonë, këtu, për të folur dhe për të dhënë përgjigje për pyetjet që të bëjmë. Ngrysesh dhe gdhihesh te mediat e blera dhe të stërblera të Edi Ramës, mëngjes, drekë, darkë. Të të akuzojmë ne tani që të kanë paguar ata ty? Doktor, mblidh mendjen se ke marrë shtatë bashki, vetëm shtatë bashki dhe mos ulëri çdo ditë për studiot televizive se nuk t’i kanë marrë ato bashkitë. T’i ka marrë koka jote, që ka marrë erë, bashkë me partinë tënde që është copëtuar, është bërë copa-copa. Kjo është e vërteta!", theksoi gazetari./ CNA.al

Lajmet e fundit nga