“Dokumentari i ‘Rai 3’, gënjeshtër e madhe”/ Rama zbulon bisedën me drejtorin e televizionit italian

24 Prill 2024, 17:21, Politikë CNA

“Dokumentari i ‘Rai 3’, gënjeshtër e madhe”/

Kryeministri Edi Rama

Kryeministri Edi Rama e ka cilësuar si një gënjeshtër të madhe dokumentarin e “Rai 3” për Shqipërinë.

Rama tha në një dalje televizive se dokumentari ishte produkt që dukej si i nxjerrë nga magazinat e errëta të kohës së palavdishme të kohës italiane.

“Ishte një produkt që dukej si i nxjerrë nga magazinat e errëta të kohës së palavdishme të kohës italiane, ku sa herë fliste albanesi, fliste vrasës, fliste për prostituta, fliste për hajdutë dhe për Shqipërinë si atdheu i krimit dhe i të gjithë të këqijave. E dyta nuk është një badi beko. Reagim në funksion të së vërtetës, të së vërtetës së thjeshtë. Se ndër shumë gënjeshtra që u thanë aty, u tha edhe një gënjeshtër shumë e madhe, që viktima e atij agresioni dhe viktima kryesore ishte sekretari i përgjithshëm i Këshillit të Ministrave kishin refuzuar të përgjigjeshin, kishin refuzuar te jepnin opinionin e tyre. Ndërkohë që e kundërta është e vërtetë. Kam marrë përgjigje me shkrim, sepse pyetjet janë dërguar me shkrim në kohën e duhur, në afatin e përcaktuar prej atyre vetë. Dhe kulmi është që pasi e thonë këtë gënjeshtër vetë në emision duke krijuar një moment tjetër të hijes së dyshimit për gjithë atë konspiracion të ngritur mbi mbledhjen e ujërave të zeza të kanaleve politike dhe mediatike të Tiranës, shfaqen edhe këtu në një kanal të ujërave të zeza dhe vazhdojnë duke i thënë shqiptarëve, sa fatkeqësi e madhe që as përgjigje nuk denjuan të kthejnë. E pra kjo është skandaloze. Është normale që për këtë të reagohet”, u shpreh ai.

Kreu i qeverisë deklaroi se nuk i bëjnë përshtypje sulmet, por theksoi se nuk mund të heshtë përpara një dokumentari që përbalt Shqipërinë.

“Jam mësuar me sulmet dhe të them të drejtën nuk më bëjnë përshtypje si sulme dhe nuk më prekin se janë sulme, por në këtë rast si në çdo rast kur sulmohet Shqipëria, kur përbaltet Shqipëria, kur Shqipëria iu paraqitet të huajve nga të huajt në jnë dritë të tillë unë revoltohem. Nëse do kishte qenë për mua personalisht nuk do kisha bërë asnjë reagim. Siç nuk bëra asnjë reagim që aty ishte përfshirë edhe familja ime, madje edhe pastaj sqarova që nuk po hyj tek ajo pjesë. Por kur sulmohet Shqipëria është e pamundur që unë të mos reagoj”, tha kryeministri.

Sa i përket komunikimit të tij me drejtorin e “Rai 3”, Rama u shpreh se nuk iu ankua, por e vuri në dijeni se ka ndodhur “një skandal i madh deontologjik dhe etik”./ CNA