web counter
LEXO PA REKLAMA!

SHKARKO APP

App Store
Google Play

“Do “thyej” foltoren derisa t’i dëgjojnë ato që them”/ Si e sheh veten në Parlament, Julia Ilirijani

1 Prill 2025, 22:39, Politikë CNA

“Do “thyej” foltoren derisa t’i dëgjojnë ato

Aktorja Julia Ilirjani në një intervistë për A2 CNN ka folur për kandidimin e saj si deputete në listat e PD.

Ilirjani ka thënë se ky regjim nuk përputhet me shijet e saj dhe është shprehur se nuk do të bëjë luftë personale. Aktorja u shpreh se “do të thyejë foltoren” deri sa ato që thotë të dëgjohen.

“Ky regjim nuk përputhet me shijet e mia. U futa në reality shoë për t’u qasur më shpejt me publikun. Dua që fjala liri dhe demokraci të jenë të vërteta dhe funksionale në këtë demokraci kaq të brishtë.

Veten në parlament e shoh si grua që çoj të gjithë shqetësimet e të përditshmes. Nuk do flas broçkulla dhe të bëj luftë ndërpersonale me kundërshtarët e mi politikë. Gjërat duhen folur dhe po u folën 1, 2, 3 herë do u “thyej” foltoren derisa t’i dëgjojnë mirë ato që do them”.

Lustraxhinjtë e kësaj qeverie janë të paparë. Edhe vendet e punës i marrin me shumë lustra. Ajo që unë shoh vërtet janë disa njerëz më të ngrysur, me më pak para për ata që punojnë me punë të ndershme, 500 euro ka vajtur një garsionere brenda unazës. 800 euro një banesë me qira. Një qytetar më tha: bëj nga 3 punë dhe zihem çdo ditë me gruan se nuk gjejmë harmoni se litari ekonomik po na mbyt çdo ditë. U është hedhur një litar që është rrogë dhe atë e liron e shtrëngon”, tha Ilirjani./ CNA





Lajmet e fundit nga