E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Dështaku i Lulit kërkon të shpëtojë

20 Maj 2023, 17:38, Politikë CNA

Enkelejd Alibeaj

Kryetari i PD-së, Sali Berisha, gjatë një bashkëbisedimi me qytetarët këtë të shtunë ka ripërsëritur faktin se Lulzim Basha dhe Enkelejd Alibeaj nuk kanë më vend në Partinë Demokratike.

Por dështaku i Lulzim Bashës, i cili dha dorëheqjen menjëherë pasi përfunduan zgjedhjet dhe doli rezultati përfundimtar, nuk ka humbur kohë për t’iu kundërpërgjigjur.

Alibeaj jep dorëheqjen nga hiçi
17 Maj, 17:22

Enkelejd Alibeaj dhe PD-ja e komanduar nga vetë ai dështuan në zgjedhjet e 14 majit në të gjitha bashkitë e vendit, ku dhe në garën për Këshillat Bashkiakë doli forcë e fundit.

Alibeaj ka vazhduar me akuzat se përçarjen e opozitës e ka sjellë Sali Berisha duke kërkuar sërish të shpëtojë nga kjo përgjegjësi e cila faktikisht rëndon mbi të dhe kryetarit të tij që figuron ende në krye të PD-së në Gjykatë.

Ish-kreu i komanduar i PD-së ka hequr sërish fajin nga vetja duke drejtuar “gishtin e përgjegjësisë” kundër Sali Berishës dhe Ilir Metës, duke thënë se janë ata që shkaku pse demokratët refuzuan masivisht të votonin në 14 maj.

“Humbësi i madh i zgjedhjeve të 14 majit paska gjetur sot armiq të rinj, duke publikuar dhe listën e të përjashtuarve të radhës. I zhytur në disfatën që i solli demokratëve dhe opozitës, sindroma e komunizmit i rikthehet si përherë kur humb duke shpallur grupe armiqësore.

Shqiptarët e kanë të qartë se shkaku i përçarjes së opozitës është Sali Berisha, sikundër aleanca e tij me Ilir Metën ka prodhuar këshilltarë të LSI me votat e demokratëve në çdo këshill bashkiak. Bashkëpunimi i Sali Berishës dhe Ilir Metës në kurriz të demokratëve dhe shqiptarëve është një nga arsyet pse pati refuzim masiv në 14 maj dhe që e mban në këmbë regjimin e Edi Ramës”, shkruan Alibeaj në reagimin e tij.

Por demokratët e dinë që e vërteta është një dhe e vetme. Basha dhe kukulla e tij janë ata të cilët refuzuan demokratët në zgjedhjet vendore dhe kjo u duk fare qartë në rezultatin përfundimtar./CNA.al