web counter
LEXO PA REKLAMA!

SHKARKO APP

App Store
Google Play

E fundit!

x

Begaj, në ceremonitë e betimit të Presidentit malazez/ Jemi vende kontribuese për paqen

20 Maj 2023, 14:29, Politikë CNA

Begaj, në ceremonitë e betimit të Presidentit malazez/ Jemi vende

Presidenti Bajram Begaj, mori sot pjesë në ceremonitë e betimit të Presidentit të ri të Malit të Zi, zotit Jakov Milatoviç, President i një vendi fqinj e mik me të cilin Shqipëria ndan interesa e një vizion të përbashkët euro-atlantik.

Në përshëndetjen dhe urimet e rastit me Presidentin Milatoviç, Begaj nënvizoi marrëdhëniet e shumë të mira e të fqinjësisë së mirë që ekzistojnë ndërmjet dy vendeve. Gjithashtu, duke iu referuar shëmbullit shumë të mirë që dy vendet kanë dhënë në kuadër të bashkëpunimit rajonal, Kreu i Shtetit shprehu besimin, se këto marrëdhënie do të forcohen e zgjerohen edhe më shumë gjatë mandatit presidencial të Presisidenti Milatoviç.

“Si dy vende alealte në NATO dhe në proces negocimi për aderim në Bashkimin Evropian, dy vendet tona janë kontribuese aktive për paqen dhe sigurinë në rajonin tonë, por jo vetëm”, u shpreh ai.

Begaj, në ceremonitë e betimit të Presidentit malazez/ Jemi vende

Në mënyrë të veçantë Kreu i Shtetit, vlerësoi rolin e rëndësishëm që ka luajtur faktori shqiptar në Malin e Zi, për stabilitetin, pavarësisë dhe të ardhmen euro-atlantike të këtëij vendi fqinj e mik, si dhe shprehu besimin se ky komunitet do të vijojë të ketë vëmendjen dhe mbështetjen e Presidentit Milatoviç dhe të institucioneve malazeze.

“Prania e në Malin e Zi dhe e komunitetit malazez në Shqipëri janë ura të forta miqësie e bashkëpunimi, që së bashku duhet t’i mbështesim e t’i promovojmë më shumë”, nënvizoi Presidenti. 

Begaj, në ceremonitë e betimit të Presidentit malazez/ Jemi vende

Në këto ceremoni morën pjesë një sërë krerë shtetesh dhe qeverish nga vendet e rajonit të Evropës Juglindore, si dhe shumë zyrtarë të lartë evropianë dhe amerikanë.

Gjatë vizitës një ditore në Malin e Zi, Begaj bëri një ndalesë edhe në qytetin e Tuzit, ku u takua me përfaqësues të faktorit shqiptar në Malin e Zi. Presidenti i siguroi për vëmendjen dhe mbështetjen e palëkundur të institucioneve shqiptare për të gjitha çështjet e shqetësimet me të cilat ballafaqohet minoriteti shqiptar në Malin e Zi.

Begaj, në ceremonitë e betimit të Presidentit malazez/ Jemi vende

Në mënyrë të veçantë, Kreu i Shtetit vlerësoi në këtë takim rolin shumë konstruktiv që shqiptarët dhe forcat politike shqiptare në Malin e Zi, kanë luajtur, si për stabilitetin ashtu edhe në kuadër të procesve euroatlantike të vendit./ CNA.al





Lajmet e fundit nga