web counter
LEXO PA REKLAMA!

SHKARKO APP

App Store
Google Play

E fundit!

x

Korreshi tregon zgjidhjen/ Si mund të bëhet opsion fitues PD-ja në zgjedhjet e 2025-ës

19 Maj 2023, 22:11, Politikë CNA
Korreshi tregon zgjidhjen/ Si mund të bëhet opsion fitues PD-ja
Deputeti Saimir Korreshi

Në zgjedhjet vendore të 14 majit, opozita pati një rezultat të thellë humbjeje, që sipas deputetit Saimir Korreshi është shkaktuar edhe nga ndarja e PD-së.

Teksa foli për zgjedhjet, Korreshi tha se e vetmja mundësi që opozita të ketë një rezultat të mirë në 2025-ën është që PD të futet ne negociata për ribashkim.

Ai deklaroi në një dalje televizive se të dyja PD-të duhet të zgjedhin grupe deputetësh e të krijojnë një këshill që të organizojë zgjedhje që në gjenezë.

“Unë them që e vetmja mënyrë është negocimi. Zoti Berisha duhet të lerë një grup deputetësh nga pjesa e vet dhe një grup deputetësh nga pjesa e PD-së zyrtare, të cilët duhet të krijojnë një këshill që të merret me zgjedhjet që në gjenezë, që nga seksionet, grupseksionet, me partinë e gjithë me radhë deri te strukturat më të larta.

Pra, duhet të ketë një riorganizim total, por të bashkuar. Në rast se nuk negociojmë, zoti Berisha nuk e hap një proces të tillë, PD në zgjedhjet e tjera nuk do të ketë një opsion fitues. Nëse zoti Berisha mendon se do të ketë ata 20 deputetët e vet dhe do të bëjë atë miniopozitën, unë nuk jam dakord me këtë, nuk e mbështes këtë lloj drejtimi, por duket se me të gjithë gjasat se i vetmi që nuk thotë bashkim është zoti Berisha”, theksoi deputeti./ CNA.al





Lajmet e fundit nga