Berisha nuk kursen administratën publike/ “U shndërrua në polici politike”

19 Maj 2023, 12:52, Politikë CNA

Berisha nuk kursen administratën publike/ “U shndërrua në

Ish-kryeministri Sali Berisha ka deklaruar se administrata publike u shndërrua në një polici politike e procesit elektoral.

Berisha tha se, në kundërshtim flagrant me ligjin janë vendosur komisionerë me qindra punonjës bashkie që do numëronin vota për ish-kryetarin apo kryetarin e tyre.

Një tjetër aspekt i shëmtuar, sipas Berishës, është se qindra punonjës të administratës janë vendosur komisionerë dhe numërues në qendrat e votimit, si dhe qëndrimi i zyrtarëve si gardianë në qendrat e votimit.

“Si kurrë në historinë e këtij vendi, administrata publike u shndërrua në një polici politike e procesit elektoral.

Ky është aspekti policesk, por ju them ju se një aspekt tjetër më i shëmtuar dhe më policesk, ka qenë roli i administratës publike.

Si kurrë në historinë e këtij vendi, administrata publike u shndërrua në një polici politike e procesit elektoral.

Së pari, në kundërshtim flagrant me ligjin janë vendosur komisionerë me qindra e qindra punonjës bashkie që do numëronin vota për ish-kryetarin apo kryetarin e tyre. Me ligj e ndaluar, me ligj e palejueshme.

Aspekti tjetër, qindra e qindra punonjës të administratës janë vendosur komisionerë dhe numërues në qendrat e votimit. Aspekti më i shëmtuar është qëndrimi i zyrtarëve si gardianë në qendrat e votimit. Presioni që kanë bërë një muaj rresht mbi punonjësit e tjerë. Kërcënimet që ata kanë shpërndarë nëpërmjet punonjësve, dërgoheshin mesazhe në tatime, dërgoheshin mesazhe në dogana, që i thuhej iksit, biznesmen jo i vogël, se po shkove në votime ti dhe punëtorët e tu, do përballesh me këto pasoja.

Kujdestares së kopshtit se po nuk solle 10 karta identiteti, të nesërmen humbet punën. Kanë filluar që sot shkarkimet nga puna ndaj atyre që nuk u përgjigjën.

Administrata, eksponentë të administratës, u sollën në mënyrën më antiligjore në këtë proces. Drejtorë, si terrorist është sjellë kushëriri i Ballukes, Klosi në Peshkopi, ku për të mposhtur elektoratin, u vërsul me tërbim ndaj bizneseve 3 ditë para zgjedhjeve në inspektim të përgjithshëm.

Të njëjtën gjë kanë bërë në Konispol, Sarandë, Libohovë, Këlcyrë dhe një seri bashkish të tjera.

Kurrë ndonjëherë në historinë e këtij vendi, administrata shtetërore, nuk ka mbajtur një qëndrim të tillë kriminal ndaj procesit zgjedhor”, është shprehur Berisha./ CNA.al