web counter
LEXO PA REKLAMA!

SHKARKO APP

App Store
Google Play

E fundit!

x

PS i mori opozitës 53 bashki/ Shehi: Nuk është ndonjë dramë e madhe

18 Maj 2023, 22:54, Politikë CNA

PS i mori opozitës 53 bashki/ Shehi: Nuk është ndonjë

Kreu i LZHK-së, Dashamir Shehi, ka folur mbrëmjen e sotme në lidhje me rezultatin e opozitës në zgjedhjet vendore të 14 majit, ku mori një numër shumë të vogël bashkish.

Shehi u shpreh në "Opinion" se humbja e opozitës në zgjedhjet vendore të 14 majit nuk është "dramë e madhe”.

Ai tha se opozita po paguan gabimet e daljes nga Parlamenti dhe braktisjes së zgjedhjeve të kaluara.

“Asgjë e jashtë zakonshme. Deri dje nuk kishim asnjë, këtu në opozitë ishim. Pa kandidatë, pa këto vota që morëm. Kjo që ndodh sot është pasojë e asaj politike që dolën nga Parlamenti dhe paguajmë këtë çmim. Opozita faktikisht nuk është marrë me politikë këto dy vite. Rama e ka ndërtuar që të shkojë te darja.

A dëgjove ndonjëherë se si është ndarë Shqipëria nga ana administrative 8 vite më parë, sa afekton kjo. Në 45 ditë duhet të merremi me tema të rëndësishme, ne u morëm që kandidati ynë është më i mirë se i tyre. Kjo që ka ndodhur nuk është ndonjë dramë e madhe, kështu e ka politika. Në duhet t’i rikthehemi politikës jo të shkojmë te darja e tij. Nëse merremi me logon, me firmat, me vulën, kjo nuk është politikë”, theksoi kreu i LZHK-së./ CNA.al





Lajmet e fundit nga