web counter
LEXO PA REKLAMA!

SHKARKO APP

App Store
Google Play

E fundit!

x

Denoncon deputeti me 362 vota/ “Qeveria po rrëmben hapur çdo institucion të pavarur”

25 Shkurt 2023, 15:24, Politikë CNA

Denoncon deputeti me 362 vota/ “Qeveria po rrëmben hapur çdo

Deputeti me 362 vota ka akuzuar qeverinë se po rrëmbet çdo insitucion të pavarur. Me 362 vota “mbi supe”, deputeti shkruan në rrjetet sociale se po dhunohet Kushtetuta dhe ligji.

Vasili duke iu referuar Projektligjit të ri për Fondin e pensioneve, shton se Qeveria dhe Institucionet e Pavarura të zgjedhura nga Kuvendi, bëhen njësh me njeri-tjetrin derisa, edhe projektligjet i paraqesin bashkë.

Reagimi i plotë:

SKANDALI!

Parlamenti në kaos total, Qeveria rrëmben haptas Institucionet e Pavarura!

E pabesueshme, por e vërtetë!!!

Në dhunim të Kushtetutës dhe ligjit, Qeveria dhe Institucionet e Pavarura të zgjedhura nga Kuvendi bëhen njësh me njëri-tjetrin derisa edhe projektligjet i paraqesin bashkë.

Konkretisht Projektligji i ri për Fondin e pensioneve private u paraqit në Kuvend në Komisionet Parlamentare nga Autoriteti i Mbikëqyrjes Financiare (AMF) përmes Drejtorit të Përgjithshëm të AMF-së Ervin Mete së bashku me përfaqësuesen e qeverisë Zv.Ministren e Financave Olta Manjani.

AMF është institucion i pavarur, ku anëtaret e të cilit zgjidhen nga Kuvendi dhe AMF një herë në vit, raporton në Kuvend.

Ligji për AMF përcakton qartë në nenin 3 se: “Autoriteti, brenda kompetencave të përcaktuara në këtë ligj, është i pavarur nga çdo pushtet tjetër dhe çdo person juridik apo fizik për ushtrimin e detyrave të ngarkuara dhe realizimin e veprimtarisë së tij. Cilido prej tyre është i detyruar të respektojë pavarësinë e Autoritetit, duke mos ndërhyrë apo penguar veprimtarinë e tij.”

Pra, AMF është i pavarur nga cdo pushtet tjetër dhe të gjithë duhet të respektojnë pavarësine e tij.

Po përse AMF dhe Drejtori i Përgjithshëm i AMF, Ervin Mete, në mënyrë të paligjshme vjen bashkë me Qeverinë dhe paraqesin po bashkë projektligjin në Komisionet Parlamentare për miratimin në parim gjë, që ka ndodhur në Komisionin Parlamentar të Shëndetësisë dhe të Ekonomisë?

AMF nuk ka asnjë të drejtë të propozojë projektligje sepse Ligji 9572 i vitit 2006 përcakton prerë në Nenin 3 se:

“Autoriteti ka të drejtë të nxjerrë akte që janë, rregulloret, rregullar, udhëzimet, manualet apo metodoligjitë e miratuara nga Bordi i Autoritetit në zbatim të kompetencave të parashikuara në këtë ligj apo të legjislacionit përkatës në fuqi për përmbushjen e funksioneve rregullatore e mbikqyrse si dhe për organizimin dhe funksionimin e Autoritetit”.

Pra, Ligji 9572 është shterrues dhe nuk i njeh në asnjë rast AMF-së asnjë të drejtë të paraqesë e propozojë projektligje.

Po përse AMF-ja vepron në shkelje flagrante të Ligjit dhe shkon e propozon Projekt ligje në Kuvend bashkë me Qeverinë??

1. Lindita Nikolla duhet të marrë urgjentisht vendimin e anullimit të menjëhershëm të këtyre prezantimeve të bëra të Projektligjit për Fondin e pensioneve private në Komisionet Parlamentare të Ekonomisë dhe Shëndëtësisë duke i konsideruar Nul ato.

2. Lindita Nikolla duhet të mbajë qëndrim zyrtar ndaj Kryetarëve të Komisioneve Parlamentare për shkeljen flagrante të Rregullores së Kuvendit.

3. Lindita Nikolla duhet t'i propozojë Kuvendit mbajtjen e qëndrimit zyrtar në seancë plenare ndaj AMF-së për shkeljen flagrante të ligjit dhe paraqitjen e AMF-së në Kuvend si bashkëpropozuese të një Projektligji të Qeverisë.

Parlamenti është në një kaos të plotë dhe ndien dhunim e pushtim të përditshëm nga Qeveria duke u kthyer totalisht në bisht të saj dhe kjo situatë duhet të marrë fund menjëherë.

Kryetarja e Kuvendit Nikolla mban përgjegjësi shumë të madhe që lejon me dashje një situatë të tillë paligjshmërie të plotë, nga e cila buron tensionimi dhe bllokimi i qëllimshëm i veprimtarisë parlamentare nga rilindasit në qeveri dhe në Kuvend.





Lajmet e fundit nga