web counter
LEXO PA REKLAMA!

SHKARKO APP

App Store
Google Play

E fundit!

x

Aplikohen trarët antisizmikë/ Veliaj inspekton punimet në shkollën “Musine Kokalari”

25 Shkurt 2023, 14:32, Politikë CNA

Aplikohen trarët antisizmikë/ Veliaj inspekton punimet në

Kryebashkiaku i Tiranës, Erion Veliaj, ka inspektuar punimet në shkollën 9-vjeçare “Musine Kokalari”, e cila u dëmtua nga tërmeti i 26 nëntorit.

Veliaj tha se shkolla është bërë thuajse dy herë më e madhe, tashmë për 1200 nxënës. Kryebashkiaku shtoi se Bashkia e Tiranës është e para që po aplikon trarët antisizmikë.

“Na është dhënë një mundësi e jashtëzakonshme për ta bërë shkollën thuajse dy herë më të madhe e më të fortë, e të kalojmë nga 790-800 nxënës në 1200 nxënës. Një pjesë e shkollës do të përforcohet, që i rezistoi tërmetit. Përveç kësaj, do të bëjmë edhe një shtesë, si në kate, ashtu edhe me një palestër me standarde olimpike. Të gjitha ndërtimet po bëhen me ‘Eurokod 9’, duke u siguruar që, çfarë mësimesh nxorëm nga historia e tërmetit, të kthehen në praktika më të mira për ndërtimet. Bashkia e Tiranës është e para që po aplikon trarët antisizmikë dhe sigurisht, do kthehet më pas në normë edhe për gjithë qytetin”, tha Veliaj.

Kryebashkiaku tha se me shkollat e reja dhe me lagjen e re, Kombinati po shndërrohet në një hapësirë të rëndësishme për qytetin. Duke folur për lagjen e re në Kombinat, kryebashkiaku tha se një pjesë e karabinave të pallateve tashmë kanë mbaruar dhe në pranverë pritet të jenë gati, kur të hidhet shorti për familjet e para që do të hyjnë në shtëpitë e tyre të reja./CNA.al





Lajmet e fundit nga