web counter
LEXO PA REKLAMA!

SHKARKO APP

App Store
Google Play

E fundit!

x

Berisha ashpërson tonet/ “Ramën dhe suitën e tij do ta përcjellim në koshin e historisë”

25 Shkurt 2023, 13:11, Politikë CNA

Berisha ashpërson tonet/ “Ramën dhe suitën e tij do ta

Sali Berisha ka ashpërsuar tonet ndaj kryeministrit Rama, të cilin kryedemokrati tha se do ta përcjellin në koshin e historisë.

Berisha e akuzoi Ramën, se angazhoi Dorian Duçkën dhe Agron Nezën për të vendosur gjoba ndaj biznesmenëve, pasi këta të fundit premtonin se do t'i hiqnin nga “black-listimi”.

Kreu i PD-së shtoi gjithashtu se me revolucion paqësor do të përmbyset edhe ky monizëm, i bazuar në krimin, vjedhjen dhe drogën.

“Fuqia e tyre korruptive është dëshmuar më e jashtëzakonshmja që mund të ketë kush.

Edi Rama rekruton me korrupsion, kryezbuluesin e SHBA-së, ua fut në thes dhe e angazhon kundër opozitës. E angazhon me këshilltarin e tij më personal, Dorian Duçkën dhe Agron Nezën. Për t’u vendosur gjoba biznesmenëve, që shkojnë deri në 30 milionë euro, të tjerët thonë deri në 50 milionë euro. Duke u thënë se do u heq nga "black-listimi".

Kjo nuk ndodh në një vend demokratik. Pasojat i paguan çdo shqiptar i ndershëm. Ndaj dhe ky zhvillim dhe kjo situatë e ka jetike revolucionin.

Me revolucion ne përmbysëm monizmin që bazohej në doktrinën marksiste, me revolucion do përmbysim monizmin që bazohet në krimin, drogën dhe vjedhjen. Me revolucion paqësor përmbysën monizmin e armatosur gjer në dhëmbë. Me revolucion paqësor do përmbysim monizmin e bazuar në krimin, vjedhjen dhe drogën.

Ne do ta përcjellim në koshin e historisë Edi Ramën dhe suitën e tij. Ndaj dhe ju ftoj, të vazhdojmë këtë betejë. Opozitë do të thotë sakrificë. Asnjëherë, kurrë nuk duhet të dekurajohemi. Revolucionet i bën pakica idealiste. Idealet janë arma më e fuqishme e kohërave dhe me te, ne do të fitojmë”, u shpreh Berisha./CNA.al

 





Lajmet e fundit nga