LEXO PA REKLAMA!

SHKARKO APP

Brisida Shehaj merr postin e rëndësishëm/ Zgjidhet Koordinatore kundër Korrupsionit në PL

1 Gusht 2022, 17:48, Politikë CNA

Brisida Shehaj merr postin e rëndësishëm/ Zgjidhet Koordinatore

Anëtarja e Partisë së Lirisë, Brisida Shehaj, është zgjedhur Koordinatore Kombëtare e Luftës kundër Korrupsionit në këtë parti.

Emërimi i Shehajt në këtë post ka ardhur në sajë të zgjedhjes së strukturave të reja të Partisë së Lirisë.

Prej disa vitesh, Shehaj i është bashkangjitur kësaj force politike. Ish-drejtoresha e Përgjithshme e Tatimeve ka mbajtur më parë postin e nënkryetares së LSI-së për Tiranën.

Gjithashtu ajo ka qenë edhe kandidate për deputete e LSI-së në qarkun e Tiranës, në zgjedhjet e 25 prillit të 2021-shit.

Kujtojmë se më 25 prill, gjatë Konventës Kombëtare të LSI-së, ish-presidenti Ilir Meta njoftoi ndryshimin e emrit nga “Lëvizja Socialiste për Integrim” në “Partia e Lirisë”.

Kryetar i Partisë së Lirisë është emëruar Ilir Meta, ndërsa zëvendëskryetar Agim Nesho.

Tedi Blushi mban postin e Sekretarit të Përgjithshëm, Endrit Braimllari është zgjedhur Sekretar Organizativ, Floida Kërpaçi Sekretare për Marrëdhëniet Ndërkombëtare dhe Silva Caka Sekretare për Marrëdhëniet me Publikun./ B.A. – CNA.al

Lajmet e fundit nga