web counter
LEXO PA REKLAMA!

SHKARKO APP

App Store
Google Play

E fundit!

x

Berisha, “non grata” në Britaninë e Madhe/ Ambasadori Abbott: Nuk janë gjëra që politizohen

25 Dhjetor 2024, 07:46, Politikë CNA

Berisha, “non grata” në Britaninë e Madhe/ Ambasadori

Ambasadori i Mbretërisë së Bashkuar, Nicholas Abbott, ka folur për listën e personave "non grata", mes tyre edhe kreu i PD-së, Sali Berisha.

Sipas Abbott këto janë procese ligjore, nuk janë gjëra që politizohen. Ambasadori tha se është një proces ligjor ku ka disa kushte të cilat ndiqen.

Intervista në emisionin “Opinion”

Blendi Fevziu: Ambasador, Mbretëria e Bashkuar ka shpallur se disa qytetarë janë të ndaluar të hyjnë në Britaninë e Madhe. Pse është marrë ky vendim? Do të zgjerohet lista? Pyetja e tretë lidhet me liderin e opozitës në Shqipëri dhe ish-Presidentin e ish-kryeministrin shqiptar, Sali Berisha. Le ta nisim nga pyetja e parë, pse kjo listë? Pse është marrë ky vendim?

Nicholas Abbott: Mbretëria e Bashkuar, ashtu si Shqipëria, do të sigurohet se ne duam të mbrojmë sigurinë tonë, se ka transparencë për sa i përket sundimit të ligjit.

Blendi Fevziu: Kjo vlen edhe për shtetet e tjera?

Nicholas Abbott: Edhe për shtetet e tjera…

Blendi Fevziu: Në listë ka njerëz edhe nga shtete të tjera?

Nicholas Abbott: Ky nuk është një proces nëpërmjet të cilit targetojmë persona vetëm nga Shqipëria. Ka edhe njerëz në shtete të ndryshme ku ne shikojmë çështje të ndryshme dhe marrim vendim për to.

Blendi Fevziu: Kjo ishte lista e parë. Ju nuk e bëni listën publike, por zoti Berisha, kreu i opozitës dhe ish-presidenti dhe ish-kryeministri i Shqipërisë tha se i është shpallur ndalim hyrje në Mbretërinë e Bashkuar. Pse Berisha?

Nicholas Abbott: Siç ju thashë, nuk është rutinë që ne të komentojmë mbi çështje individuale. Këto janë procese ligjore, nuk janë gjëra që politizohen. Ky është një proces ligjor ku ka disa kushte të cilat ndiqen. Qartazi, në këtë rast, është ndikuar një individ. Siç ju thashë, ne nuk duam të targetojmë individë të caktuar.

Blendi Fevziu: Por a keni ndonjë listë tjetër, e cila do të shpallet së shpejti?

Nicholas Abbott: Mua më duket sikur njerëzit besojnë se ekziston një listë sekrete. Kjo nuk ka të bëjë me lista, por me procese dhe shqetësimet tona.

Blendi Fevziu: Por të gjithë këtu flasin për lista.

Nicholas Abbott: Këtë “listë” nuk e kam te xhepi i pasmë.

Blendi Fevziu: Nuk e keni…

Nicholas Abbott: Nuk e kam në xhep./ CNA





Lajmet e fundit nga