web counter
LEXO PA REKLAMA!

SHKARKO APP

App Store
Google Play

Protesta e 23 dhjetorit/ Muçollari: Efektivët morën urdhër të na godisnin

24 Dhjetor 2024, 20:35, Politikë CNA

Protesta e 23 dhjetorit/ Muçollari: Efektivët morën urdhër

Anëtari i Kryesisë së PD-së, Grigels Muçollari ka folur për tensionet dhe dhunën e ushtruar nga policia ndaj protestuesve.

Muçollari theksoi se gjithçka po shkonte mirë dhe po protestohej në mënyrë paqësore deri në momentin që dikush i urdhëroi të na sulmonin.

Anëtari i Kryesisë së PD-së, Grigels Muçollari tregoi se si u sulmuan Belind Këlliçi, Ervin Minarolli dhe vetë ai.

“E konsideroj shumë të rëndësishme sqarimin për opinionin publik se përse opozita ka vendosur të kryejë mosbindjen civile dhe protestat në funksion të qeverisë teknike. Eshtë e thjeshtë, duke pasur parasysh provat e dala deri tani dhe nga shërbimet informative të huaja. Ne kemi nevojë për një proces të rregullt zgjedhor, kemi nevojë për një proces që njihet nga palët dhe dita e zgjedhjeve të jetë dita e demokracisë.

Unë vura re dje që kishte një masë të madhe qytetarësh që ndaluan makinat dhe si ranë asnjëherë borisë. Disa u bashkuan disa u larguan, sepse ishte dhe e frikshme në momente të caktuara. Kështu që kërkesa e opozitës është shumë e ligjshme.

Rikthehemi te protesta. Unë zoti Këlliçi, zonja Çupi etj ishim vendosur në pika të ndryshme në qendër tek Bashkia. Protesta kishte një vijueshmëri normale, me atë vijën e parë të policëve madje po shkëmbenim dhe batuta me ta, kaq kohë sa kemi kaluar këtë vit bashkë të bëjmë një koktail me rastin e fundvitit. Diku rreth orës 18.20 mos gabohem vjen një urdhër i çuditshëm ku forcat operacionale dhe ato të ndërhyrjes së shpejt, krijoj bindjen e plotë që u vendosën në atë formë për të na goditur qëllimisht. Ishte e organizuar në atë formë, ku objektiv ishin individë të caktuar. Ne nuk i kemi të gjitha me prova, por në rolin e dëshmitarit unë e them me përgjegjësi të plotë. Ishin dy tre pollicë, që sulmuan fillimisht Sekretarin Organizativ zotin Ervin Minarolli, dy tre të tjerë zotin Këlliçi. Dhe të ardhur nga hiçi, me një objektiv të caktuar”, tha Muçollari./ CNA





Lajmet e fundit nga