web counter
LEXO PA REKLAMA!

SHKARKO APP

App Store
Google Play

E fundit!

x

Balla: Le ta kthejmë këtë votë historike në një mbështetje të madhe për ta çuar Shqipërinë drejt BE-së

7 Maj 2025, 10:03, Politikë CNA

Balla: Le ta kthejmë këtë votë historike në një

Nga Selaniku, drejtuesi politik i Partisë Socialiste për Diasporën, Taulant Balla, theksoi se një numër i konsiderueshëm bashkatdhetarësh ende nuk kanë marrë zarfin e KQZ-së nga zyrat e postës.

Por, sipas Ballës, edhe më shqetësues është numri i madh i atyre që kanë marrë zarfin, por ende nuk e kanë kthyer atë.

Balla bëri thirrje për të respektuar afatet, duke nënvizuar se koha është shumë e kufizuar.

Ai dha edhe oraret e funksionimit të zyrave të DHL-së.

“Ka ende prej jush që nuk e kanë tërhequr ende fletën e votimit. Janë rreth 8,000, siç njofton Komisioni Qendror i Zgjedhjeve, që duhet të paraqiten menjëherë pranë zyrave të DHL-së këtu në Selanik, Athinë apo dhe në ishuj, te nënkontraktorët e DHL-së, për ta tërhequr. Është një numër i madh, diku te 25,000 prej jush, që e kanë tërhequr zarfin me fletën e votimit, por nuk e kanë kthyer ende. Prandaj është shumë e rëndësishme që ta kryeni këtë veprim brenda orëve të mbetura, deri ditën e shtunë për Selanikun, Patrën, Athinën, qytetet e mëdha dhe deri të premten për qytetet më të vogla apo zonat rurale. Zyrat e DHL-së janë të hapura deri në orën 17:00, apo deri në orën 18:00 në qytetet e mëdha. Ndërkohë, zyrat e DHL-së do të jenë të hapura edhe të premten dhe të shtunën për qytetet e mëdha.  Motra dhe vëllezër shqiptarë që jetoni në Greqi dhe motra dhe vëllezër shqiptarë që jeni regjistruar si votues nga jashtë, shumë faleminderit për ju që tanimë e keni kryer detyrën tuaj ndaj atdheut dhe e keni dërguar votën tuaj. Ju falënderoj të gjithëve dhe le ta kthejmë këtë votë historike në një mbështetje të madhe për ta çuar përpara Shqipërinë drejt Bashkimit Europian”, deklaroi Balla./ CNA





Lajmet e fundit nga