web counter
LEXO PA REKLAMA!

SHKARKO APP

App Store
Google Play

E fundit!

x

Sondazhet/ Grigels Muçollari: Votues të PS-së na mirëpresin, kërkohet rrotacion

6 Maj 2025, 19:26, Politikë CNA
Sondazhet/ Grigels Muçollari: Votues të PS-së na
Grigels Muçollari

Kandidati i PD-së në listë të hapur për Tiranën, Grigels Muçollari në një intervistë për CNA, ka shprehur se nuk beson shumë në sondazhet që janë publikuar në media të ndryshme, por shpreh bindjen e asaj që ka prekur vetë në terren, me qytetarë dhe votues të PS të cilët e mirëpresin në takime dhe kanë shprehur dëshirën për ndryshim dhe rrotacion.

“Nuk di të them si bëhen sondazhet, di të them se takoj 150 njerëz në ditë, i shoh në sy problemet dhe hallet që ata kanë edhe ata që nuk janë me PD dëgjoj se duan ndryshim.

Këtë e them me bindje absolute se dhe votues të PS na mirëpresin dhe dëgjojnë kur flasim, kjo është gjëja më pozitive e kësaj fushate. Ata janë të bindur se duhet të ketë një rrotacion.

Unë besoj në fushatën time elektorale, në marrëdhënien time me qytetarët Sy M’Sy. Ajo që kam parë dhe ajo që kam prekur është nevoja e thellë për ndryshim dhe rrotacion”, tha Muçollari.

Më tej Muçollari tha se, ka zhvilluar një fushatë që PD të fitojë zgjedhjet, jo vetëm për demokratët por për të sjellë ndryshimin.

“Personalisht kam zhvilluar një fushatë personale që PD të fitojë zgjedhjet. Një fitore jo vetëm për demokratët për një fitore për të sjellë ndryshimin. Pres të kem mbështetjen e qytetarëve do kemi mbështetje të madhe. Rëndësia më e madhe në këto zgjedhje është rrotacioni.

Shqiptarët e kanë të thjeshtë, pensionistët e kanë të thjeshtë, mjaftojnë të shikojnë llogaritë në xhepin e tyre.Pasaporta europiane nuk do të thotë asgjë për çdokënd që merr 60 mijë lekë të vjetëra”, tha Muçollari për CNA./ CNA





Lajmet e fundit nga