web counter
LEXO PA REKLAMA!

SHKARKO APP

App Store
Google Play

E fundit!

x

“Mos bëni gabim të kërkoni telefonin tim”/ Rama justifikohet në median e paguar nga inceneratorët

6 Maj 2025, 22:34, Politikë CNA
“Mos bëni gabim të kërkoni telefonin tim”/ Rama
Kryeministri Edi Rama

Kryeministri Edi Rama, pak kohë më parë, në një mbledhje të grupit parlamentar të PS, pas arrestimit të kryebashkiakut Erion Veliaj, u hodh në sulm ndaj prokurorit dhe gjyqtarit të çështjes së Veliajt me një gjuhë shantazhuese dhe kërcënuese.

Gjatë fjalës së tij, Rama e quajti gjyqtarin Erjon Bani një kamikaz të PD-së. Ndërkohë që pas sulmit iu drejtua SPAK dhe GJKKO që të mos bënin gabim t’’i kërkonin telefonin.

“I njohur si ekstremist i djathtë, i njohur si eksponent i djathtë, skandal në të gjitha rastet i njëjti gjyqtar, është gjyqtari paraprak për dosjen 'Toyota Yaris'. Vetëm një fakt ka ndaluar urdhërim publik të dosjes së tij gjë që nuk e bënë, por bënë të kundërtën kur duan të përbalten figurat e PS-së. Tani dosjen e ka bufi i kënetës që i lexon në parlament. Është i ndaluar për t'u përhapur dhe publikuar. Ku jemi këtu? Kjo është vepër penale. Të mos bëjnë gabim të kërkojnë telefonin tim se kanë boll telefonat e gjithë Shqipërisë”, u shpreh Rama.

Në lidhje me këtë deklaratë, Rama është justifikuar në një intervistë të dhënë në median e paguar nga inceneratorët.

Ai u shpreh se pjesa e telefonit ishte një batutë dhe se ato ishin deklarata që i përkisnin atij momenti.

“Është batutë. Telefonin tim për ta marrë duhet shkuar në parlament etj etj.

Është batutë. Për të gjithë ata që janë në parlament ka procedura.  Ajo që unë që kam shprehur në ato moment ka qenë e lidhur me ato momente. Nuk ka kthim mbrapa”, tha ai./ CNA





Lajmet e fundit nga