web counter
LEXO PA REKLAMA!

SHKARKO APP

App Store
Google Play

Akuzat e SPAK-ut për korrupsion/ Rama: Rastet për zyrtarët e lartë dalin nga "varret" e së shkuarës

26 Shkurt 2026, 12:15, Politikë CNA

Akuzat e SPAK-ut për korrupsion/ Rama: Rastet për zyrtarët e

Kryeministri Edi Rama tha sot se akuzat e SPAK-ut për korrupsion nga zyrtarët e lartë janë raste që i quajti si nga varret e së shkuarës, duke iu referuar kështu mandatit të parë e të dytë.

Sipas Ramës, është paradoksale ideja që sa më shumë qeverisin socialistët, aq më shumë rritet korrupsioni, pasi, sipas tij, logjika tregon ndryshe, teksa kujtoi edhe katër viktimat e 21 janarit. 

“Duke u kthyer te paradoksi, dua të ndaj disa fakte. Nuk shkon që sa më shumë luftohet korrupsioni, aq më shumë paska. Në historinë e SPAK-ut ka vetëm 10 akuza për korrupsion, 16 për shpërdorim detyre. Janë shifrat e ministrisë. Janë edhe 15 raste për pabarazi në tenderë. E rëndësishme është që 85% e rasteve i përkasin mandatit të parë dhe të dytë. Pra, me logjikë të thjeshtë, sa më shumë jemi në qeveri aq më shumë luftohet korrupsioni, aq më shumë janë rastet që dalin nga 'varret' e së shkuarës. Katër 'varre' janë ende në kërkim. Ky është një fakt. Dhe tjetri, që Shqipëria renditet në vendin e parë për integritetin e prokurimeve publike, do të thotë se ka më pak korrupsion”,-tha Rama./CNA





Lajmet e fundit nga