web counter
LEXO PA REKLAMA!

SHKARKO APP

App Store
Google Play

Reforma Zgjedhore/ Gonzato, mesazh PS-së dhe PD-së

25 Shkurt 2026, 15:25, Politikë CNA

Reforma Zgjedhore/ Gonzato, mesazh PS-së dhe PD-së

Ambasadori i BE-së në Shqipëri, Silvio Gonzato, theksoi se proceset zgjedhore të besueshme dhe në përputhje me standardet ndërkombëtare mbeten një prioritet kyç në rrugën e Shqipërisë drejt anëtarësimit në Bashkimin Europian.

Në një takim të zhvilluar një ditë më parë me dy bashkëkryetarët e Komisionit të Posaçëm Parlamentar për Reformën Zgjedhore, Damian Gjiknuri dhe Oerd Bylykbashi, Gonzato diskutoi mbi ecurinë e punës së komisionit dhe hapat që pritet të ndërmerren në javët në vijim.

Ambasadori nënvizoi rëndësinë e një reforme gjithëpërfshirëse zgjedhore, e cila synon rritjen e transparencës në financimin e partive politike, garantimin e pavarësisë së administratës zgjedhore si dhe parandalimin e keqpërdorimit të burimeve shtetërore gjatë fushatave.

Ai theksoi se zbatimi i rekomandimeve të OSBE/ODIHR është thelbësor për forcimin e besimit të publikut dhe mbrojtjen e integritetit të zgjedhjeve të ardhshme, duke e cilësuar reformën zgjedhore si një hap të domosdoshëm në procesin e integrimit europian të vendit.

“Proceset zgjedhore të besueshme, në përputhje me standardet ndërkombëtare, mbeten një prioritet kyç në rrugën e Shqipërisë drejt anëtarësimit në BE.

Dje u takova me dy bashkëkryetarët e Komisionit të Posaçëm parlamentar për Reformën Zgjedhore, Damian Gjiknuri dhe Oerd Bylykbashi, për të diskutuar punën e komisionit në javët në vijim.

Nënvizova rëndësinë e reformës zgjedhore për të rritur transparencën në financimin e partive politike, për të garantuar pavarësinë e administratës zgjedhore dhe për të parandaluar keqpërdorimin e burimeve shtetërore.

Një reformë e gjerë e rregullave zgjedhore, që përfshin edhe zbatimin e rekomandimeve të OSBE/ODIHR, është thelbësore për të garantuar besimin e publikut dhe për të mbrojtur integritetin e zgjedhjeve të ardhshme.” Sivio Gonzato, Ambasador i Delegacionit të Bashkimit Europian në Shqipëri./ CNA





Lajmet e fundit nga